பரமக்குடி பள்ளி மாணவா்கள் மாவட்ட விளையாட்டுப் போட்டிக்கு தகுதி

பரமக்குடி லயன்ஸ் மெட்ரிக் மேல்நிலைப் பள்ளி மாணவா்கள் குறுவட்டார அளவிலான போட்டியில் வெற்றி பெற்று மாவட்ட அளவிலான போட்டியில் விளையாடத் தகுதி பெற்றனா்.

பரமக்குடி குறுவட்டார அளவிலான விளையாட்டுப் போட்டியில் இந்தப் பள்ளியின் மாணவா்கள் 14 வயது பிரிவு கைப்பந்து, கூடைப்பந்து ஆகிய போட்டிகளில் முதலிடம் பெற்றனா். போல் பீச் வாலிபால் போட்டியில் எம்.நத்தீஷ், ஐ.இலக்கியன், எம்.கே.வா்னேஷ் ஆகியோா் முதலிடம்

பிடித்தனா். 14 வயது மாணவிகள் பிரிவில் கைப்பந்து, பூப்பந்து போட்டிகளில் முதலிடமும், சிலம்பப் போட்டியில் ஆா்.ரித்திகா முதலிடமும் பிடித்தனா்.

பீச் வாலிபால் போட்டியில் எஸ்.பவிஸ்கா, ஆா்.சுகா்னா, கே.குணதா்சனா ஆகியோா் முதலிடம் பிடித்தனா். 17 வயது மாணவா்கள் பிரிவில் கைப்பந்து, கூடைப்பந்து போட்டியில் முதலிடமும், 19 வயது பிரிவில் கூடைப்பந்து, கைப்பந்து போட்டியில் முதலிடம் பிடித்தனா். வெற்றிபெற்ற மாணவ-மாணவிகளையும், பயிற்சியளித்த உடல்கல்வி ஆசிரியா்கள் து.சரவணக்குமாா், கே.வளா்மதி, எம்.மரகதபிரியா ஆகியோரையும் பள்ளியின் தலைவா் மருத்துவா் ஏ.ராமதாஸ், செயலா் வி.பழனிச்சாமி, பொருளாளா் டி.மோகன், பள்ளி முதல்வா் பி.சோபனாதேவி ஆகியோா் பாராட்டி கௌரவித்தனா்.