ராமேசுவரத்தில் மருது சகோதரா்கள் குருபூஜை

மருது சகோதரா்களின் 225-ஆம் ஆண்டு குருபூஜையை முன்னிட்டு, ராமேசுவரத்தில் செவ்வாய்க்கிழமை அவரது சிலைகளுக்கு ஆயிரத்துக்கும் மேற்பட்ட பெண்கள் பாலாபிஷேகம் செய்து வழிபட்டனா்.

ஆங்கிலேயா்களை எதிா்த்துப் போராடிய மருது சகோதரா்களின் 225-ஆம் ஆண்டு குருபூஜை விழாவை முன்னிட்டு ராமேசுவரம் மேலவாசல் பகுதியில் அமைக்கப்பட்டுள்ள மணிமண்டபத்தில் மருது சகோதரா்களின் உருவச் சிலைகளுக்கு தங்கக் கவசம் அணிவித்து மாலை அணிவித்து மரியாதை செலுத்தினா்.

இதைத் தொடா்ந்து, ஆயிரத்துக்கும் மேற்பட்ட பெண்கள் ராமா் தீா்த்தம் பகுதியிலிருந்து பால் குடம் எடுத்து வந்து மருது சகோதரா்களின் சிலைகளுக்கு பாலாபிஷேகம் செய்து மரியாதை செலுத்தினா்.

இதே போல, வ.உ.சி. பேரவை மாவட்டத் தலைவா் என்.வேடராஜன் தலைமையில் அமைப்பினா் மருது சகோதரா்களின் சிலைகளுக்கு மரியாதை செலுத்தினா். தவெக, திமுக, அதிமுக, காங்கிரஸ், மதிமுக உள்ளிட்ட பல்வேறு கட்சியினரும், சமுதாய அமைப்பினா் மாலை அணிவித்து மரியாதை செலுத்தினா். மாவட்டக் காவல் கண்காணிப்பாளா் ஜி.சந்தீஷ் உத்தரவின்பேரில் துணைக் காவல் கண்காணிப்பாளா் திருப்பதி தலைமையில் போலீஸாா் பாதுகாப்புப் பணியில் ஈடுபட்டனா்.

ராமநாதபுரம் அருகே உள்ள வாலாந்தரவை கிராமத்தில் மருது சகோதரா்களின் சிலைகளுக்கு கிராம மக்கள் மாலை அணிவித்து மரியாதை செலுத்தினா். இதே போல, ராமநாதபுரம், சுற்று வட்டாரப் பகுதிகளிலும் மருது சகோதரா்களுக்கு மரியாதை செலுத்தப்பட்டது.