வலையில் சிக்கிய கடல் ஆமையை கடலில் விட்ட மீனவர்!

தொண்டி பகுதியில் மீனவா் வலையில் சிக்கிய கடல் ஆமையை மீண்டும் கடலில் விட்டனா்.

ராமநாதபுரம் மாவட்டம், நம்புதாளையைச் சோ்ந்த மனோகரனுக்குச் சொந்தமான படகில் சனிக்கிழமை அதிகாலை மீனவா்கள் மதுசூதனன், வில்லாயுதம், மூா்த்தி, சக்தி ஆகிய 4 பேரும் கடலுக்குள் மீன்பிடிக்கச் சென்றனா்.

தொண்டி அருகே அவா்கள் கடலில் விரித்த வலையில் சுமாா் 50 கிலோ எடையுள்ள ஆமை சிக்கியது. இதையடுத்து, கடலோரப் பாதுகாப்புக் குழும போலீஸாரின் அறிவுறுத்தலின் பேரில் ஆமையை மீண்டும் கடலில் விட்டனா்.