ஊராட்சிகளில் வளா்ச்சிப் பணிகள்: ராமநாதபுரம் ஆட்சியா் ஆய்வு

கமுதி, முதுகுளத்தூா், கடலாடி, திருப்புல்லாணி ஊராட்சி ஒன்றியங்களில் மேற்கொள்ளப்பட்டு வரும் வளா்ச்சித் திட்டப் பணிகளை மாவட்ட ஆட்சியா் மா. சிவகுரு பிரபாகரன் செவ்வாய்க்கிழமை ஆய்வு செய்தாா்.

ராமநாதபுரம் மாவட்டம், கமுதி அடுத்துள்ள செங்கொடிநகா் பகுதியில் பொதுப் பாதைக்காக கமுதி தொழிலதிபா் போ.கோபால் தனக்குச் சொந்தமான நிலத்தை அளித்தாா். அந்த நிலம் அரசின் பெயரில் பதிவு செய்ததற்கான ஆவண நகலை குடியிருப்பு வாசிகளிடம் மாவட்ட ஆட்சியா் வழங்கினாா். தொடா்ந்து, கமுதி அருகே பெரியஉடப்பங்குளம், கோட்டைமேடு, நாராயணபுரம் ஆகிய கிராமங்களில் அமைக்கப்பட்டுள்ள மேல்நிலை நீா்த்தேக்கத் தொட்டிகளைப் பாா்வையிட்டு குடிநீா் விநியோகம் குறித்து அலுவலா்களிடம் கேட்டறிந்தாா்.

இதையடுத்து முதுகுளத்தூா் ஊராட்சி ஒன்றியம், கண்ணத்தான் கிராமம், கீழச்சாக்குளம் ஆகிய கிராமங்களில் கட்டப்பட்டு வரும் மேல்நிலை நீா்த்தேக்கத் தொட்டியை ஆய்வு செய்த அவா், கண்ணத்தான் கிராமத்தில் தொட்டியை பொதுமக்கள் பயன்பாட்டுக்குக் கொண்டு வந்து, வீடுகளுக்கான குடிநீா் இணைப்பை தொடங்கிவைத்தாா்.

ஊரக வளா்ச்சித் துறையின் சாா்பில் அமைக்கப்பட்டுள்ள நா்சரி பண்ணையை பாா்வையிட்டு ஆய்வு செய்தாா்.

கடலாடி ஊராட்சி ஒன்றியத்தில் மேற்கொள்ளப்பட்டு வரும் மேல்நிலை நீா்தேக்கத் தொட்டி உள்ளிட்ட திட்டப் பணிகளின் தற்போதைய நிலை குறித்து கேட்டறிந்தாா்.

இந்த ஆய்வின் போது கமுதி வட்டார வளா்ச்சி அலுவலா்கள் மேகராஜ், ஏ.வி.சந்திரசேகரன் (கிராம ஊராட்சிகள்), ஊராட்சி ஒன்றியப் பொறியாளா்கள், கமுதி வட்டாட்சியா் அய்யாத்துரை, முதுகுளத்தூா் வட்டார வளா்ச்சி அலுவலா்கள் பிரியதா்ஷினி, முருகானந்தவள்ளி, கடலாடி வட்டார வளா்ச்சி அலுவலா் பாலகிருஷ்ணன், சங்கரபாண்டியன்(கிராம ஊராட்சிகள்), ஊராட்சிச் செயலா்கள் உள்ளிட்டோா் உடனிருந்தனா்.