மின் கம்பி  அறுந்து விழுந்து  கூலித்தொழிலாளி சாவு

சிவகங்கை மாவட்டம் திருப்புவனம் அருகே  புதன்கிழமை மின்கம்பி அறுந்து விழுந்ததில்  கூலித் தொழிலாளி உயிரிழந்தார். 
   திருப்புவனம் அருகே மடப்புரம் கிழக்கு காலனியைச் சேர்ந்த கூலித்தொழிலாளி சோலைமலையான்(28). செவ்வாய்க்கிழமை இரவு  மின்தடை ஏற்பட்டதால் இவரும் இவரது மனைவி மலர்விழியும் வீட்டுக்கு வெளியே படுத்து உறங்கினர். இந்நிலையில் புதன்கிழமை அதிகாலையில் மேலிருந்த  மின்சார கம்பி அறுந்து விழுந்ததில் இருவர் மீதும் மின்சாரம் பாய்ந்துள்ளது.  இதில்,  காயமடைந்த இருவரும் மதுரை அரசு மருத்துவமனைக்கு கொண்டு செல்லப்பட்டனர். ஆனால் வழியிலேயே சோலைமலையான் உயிரிழந்தார். இச்சம்பவம் குறித்து திருப்புவனம் போலீஸார் வழக்குப் பதிந்து விசாரித்து வருகின்றனர்.