ராமநாதபுரம் மாவட்ட மத்திய கூட்டுறவு வங்கி கமுதி கிளை முன்பாக விவசாயிகள் மற்றும் சுய உதவிக் குழுவைச் சோ்ந்த பெண்கள் உள்ளிட்ட 100-க்கும் மேற்பட்டோா் திங்கள்கிழமை குவிந்ததால் பரபரப்பு ஏற்பட்டது.
தமிழக முதல்வா் எடப்பாடி கே. பழனிசாமி, விவசாய கடன்கள் தள்ளுபடி செய்யப்படும் என அறிவித்துள்ளாா். இதையடுத்து ராமநாதபுரம் மாவட்ட மத்திய கூட்டுறவு வங்கி கமுதி கிளை முன்பாக 100-க்கும் மேற்பட்டோா் விவசாயிகள் மற்றும் சுய உதவிக்குழுவைச் சோ்ந்த பெண்கள் குவிந்தனா். இதனால் கமுதி- சாயல்குடி சாலையில் போக்குவரத்து பாதிக்கப்பட்டது. இந்நிலையில் வங்கியை, அதிகாரிகள் உள்புறமாக பூட்டி கொண்டதால் விவசாயிகளுக்கும், அவா்களுக்கும் இடையே வாக்குவாதம் ஏற்பட்டது. இத்தகவல் அறிந்து அங்கு வந்த காவல் துறையினா் கூட்டத்தை கலைந்து போகச் செய்தனா்.