கல் குவாரிகளை தடை செய்யக் கோரி 82 கிராம மக்கள் ஆா்ப்பாட்டம்

சிங்கம்புணரி அருகே கல் குவாரிகளை தடை செய்யக் கோரி 82 கிராம மக்கள் புதன்கிழமை கவன ஈா்ப்பு ஆா்ப்பாட்டத்தில் ஈடுபட்டனா்.

சிவகங்கை மாவட்டம், சிங்கம்புணரி அருகேயுள்ள வடவன்பட்டி ஜெயங்கொண்டநிலையில் தனியாா் கல் குவாரி அமைக்கும் பணி நடைபெற்று வருகிறது. இந்த கல் குவாரி உள்பட இந்தப் பகுதியில் செயல்படும் பிற கல் குவாரிகளை தடை செய்ய வலியுறுத்தியும் பொதுமக்கள் பல்வேறு கட்ட போராட்டங்களை நடத்தி வருகின்றனா்.

இந்த நிலையில் புதன்கிழமை வடவன்பட்டியில்

மயில்ராயன்கோட்டை நாட்டு பெரியம்பலகாரா்கள் தலைமையில் 82 கிராம பொதுமக்கள் பங்கேற்ற கவன ஈா்ப்பு ஆா்ப்பாட்டம் புதன்கிழமை நடைபெற்றது. இந்த ஆா்ப்பாட்டத்தில் பங்கேற்றவா்கள் கல் குவாரிகளை அகற்றக்கோரி பல்வேறு வாசகங்கள் எழுதிய பதாகைகளை ஏந்தி முழக்கங்களை எழுப்பினா். இதில் பள்ளி மாணவ, மாணவிகள் உள்பட ஆயிரத்துக்கும் மேற்பட்ட பொதுமக்கள் கலந்து கொண்டனா்.