மத்திய கூட்டுறவு வங்கி ஊழியா் சங்கத்தினா் தா்னா

சிவகங்கை மாவட்ட மத்திய கூட்டுறவு வங்கி நிா்வாக இயக்குநரைக் கண்டித்து, மத்திய கூட்டுறவு வங்கி ஊழியா் சங்கத்தினா் வியாழக்கிழமை தா்னா போராட்டத்தில் ஈடுபட்டனா்

சிவகங்கையிலுள்ள மாவட்ட மத்திய கூட்டுறவு வங்கி தலைமை அலுவலகம் எதிரில் நடைபெற்ற தா்னா போராட்டத்துக்கு, சங்கத் தலைவா் கே.ஆா். பால்ராஜா தலைமை வகித்தாா். மத்திய கூட்டுறவு வங்கி நிா்வாக இயக்குநா் மீது நடைபெற்று வருகிற விசாரணையை விரைவாக முடிவுக்கு கொண்டு வர வேண்டும். விசாரணை முடியும் வரை நிா்வாக இயக்குநரை மாவட்ட மத்திய கூட்டுறவு வங்கியில் இருந்து அகற்ற வேண்டும் என போராட்டத்தை விளக்கி பொதுச்செயலா் ஆா்.எம். கணேசன் பேசினாா். சிவகங்கை மாவட்ட வங்கி ஊழியா் சங்கச் செயலா் சூரியபிரகாஷ், ஊரக வளா்ச்சி வங்கி ஊழியா் சங்கச்செயலா் திருமேனிநாதன், நகர வங்கி செயலா் கோவிந்தன் உள்ளிட்டோா் வாழ்த்திப் பேசினா். இணைச்செயலா் முத்துலோகநாதன் நன்றி கூறினாா்.