இலைந்தைகுளத்தில் தேங்கி நிற்கும் மழைநீரை அகற்றக் கோரிக்கை

சிவகங்கை மாவட்டம், திருப்புவனம் அருகேயுள்ள இலைந்தைகுளம் கிராமத்தில் தேங்கி நிற்கும் மழைநீரை அகற்ற நடவடிக்கை எடுக்க வேண்டும் என பொதுமக்கள் கோரிக்கை விடுத்தனா்.

திருப்புவனம் பகுதியில் தொடா்ந்து பெய்த மழையால் இலைந்தைகுளம் கிராமத்தில் அம்மன் கோவில் தெருவில் மழைநீா் குளம்போல தேங்கியது. இந்த மழைநீரை வெளியேற்ற நடவடிக்கை எடுக்காததால் கொசுக்கள் உற்பத்தியாகி பொதுமக்களுக்கு நோய் தொற்று ஏற்படும் அபாயம் ஏற்பட்டுள்ளதாக பொதுமக்கள் தெரிவிக்கின்றனா்.

இதுகுறித்து இலைந்தைகுளம் ஊராட்சி தனி அலுவலரிடம் மழைநீரை வெளியேற்ற நடவடிக்கை எடுக்க வேண்டும் என கிராம மக்கள் வலியுறுத்தியும், இதுவரை எந்த நடவடிக்கையும் எடுக்கப்படவில்லை.

எனவே, நோய் தொற்று ஏற்படும் முன் இந்த மழைநீரை வெளியேற்ற சம்பந்தப்பட்ட நிா்வாகத்தினா் நடவடிக்கை எடுக்க வேண்டும் என கிராம மக்கள் கோரிக்கை விடுத்தனா்.