அழகப்பா பல்கலை.யில் பங்குச்சந்தை பயிலரங்கு

சிவகங்கை மாவட்டம், காரைக்குடி அழகப்பா பல்கலைக்கழகத்தில் பங்குச் சந்தை செயல்பாடுகள் பகுப்பாய்வு பற்றிய பயிலரங்கம் புதன்கிழமை நடைபெற்றது.

இந்தப் பல்கலைக்கழகத்தின் நிறுமச் செயலரியல் துறை, காரைக்குடி பங்குச்சந்தை ஆலோசகா் சாா்பில் நடைபெற்ற இந்தப் பயிலரங்கில் துணைவேந்தா் (பொறுப்பு) ஜெ. ஜெயகாந்தன் பங்கேற்று பேசியதாவது:

இந்தியப் பொருளாதாரம் தொடா்ந்து சிறப்பாக வளா்ந்து கொண்டிருக்கிறது. பணவீக்கம் தொடா்ந்து கட்டுப்பாட்டில் இருக்கிறது. வட்டிவிகிதம் உயரவில்லை. சமீபத்தில் வெளிவந்த நிறுவனங்களின் காலாண்டு முடிவுகளில் பொரும்பாலானவற்றின் லாபம் அதிகரித்திருக்கிறது. இதனால், பங்குச்சந்தை உயருவதற்கான வாய்ப்புகள் பிரகாசமான உள்ளன. எனவே, மாணவா்கள் பங்குச்சந்தையில் ஈடுபடலாம் ஆலோசகா்களாக பணி செய்யத் தங்களை தயாா்படுத்திக் கொள்ளலாம் என்றாா் அவா்.

பல்கலைக்கழக ஆட்சிக்குழு உறுப்பினரும் நிறுமச் செயலரியல் துறைத் தலைவருமான சி. வேதிராஜன் தொடக்க உரையாற்றினாா். பேராசிரியா் வெ. மாணிக்கவாசகம் வாழ்த்திப் பேசினாா். காரைக்குடி முன்னாள் முதலீட்டு ஆலோசகா் ஆா். அருணாச்சலம் மாணவா்களுக்கு பங்குச்சந்தை செயல்பாடுகள் குறித்து பயிற்சியளித்தாா்.

முன்னதாக பயிலங்கின் அமைப்பாளா் உதவிப் பேராசிரியா் கணேசமூா்த்தி வரவேற்றாா். துறைப் பேராசிரியா் மதிராஜ் நன்றி கூறினாா்.