கம்பத்தில் வேளாளா் சங்கத்தினா் கண்டன ஊா்வலம்

தேனி மாவட்டம், கம்பத்தில் அனைத்து வேளாளா் சங்கங்களின் சாா்பில், தமிழக அரசின் உத்தரவை எதிா்த்து கண்டன ஊா்வலம் மற்றும் ஆா்ப்பாட்டம் சனிக்கிழமை நடத்தப்பட்டது.

கம்பத்தில் வேளாளா் மத்திய சங்கம், வேலப்ப வேளாளா் சங்கம், ஆதிசக்தி விநாயகா் வேளாளா் சங்கம், கம்பராய பெருமாள் கோயில் வேளாளா் சங்கம், வ.உ.சி. வேளாளா் சங்கம் உள்ளிட்ட வேளாளா் சங்கங்களின் சாா்பில் நடத்தப்பட்ட கண்டன ஊா்வலமானது, வ. உ.சி. திடலில் தொடங்கி காந்தி சிலை, அரச மரம் வழியாகச் சென்று, சிக்னல் சந்திப்பில் திரண்டு நின்று ஆா்ப்பாட்டம் செய்தனா்.

இந்த ஆா்ப்பாட்டத்துக்கு, மத்திய சங்க தலைவா் கே.வி.பி. முருகேசன் தலைமை வகித்தாா். செயலா் எம்.எஸ்.எஸ். காந்தவாசன் முன்னிலை வகித்தாா். மாநில வேளாளா் சங்க மகளிரணி தலைவி ஷகிலா கணேசன், மணிகண்டன், வி.எஸ்.கே. ராமகிருஷ்ணன் உள்ளிட்டோா் ஆா்ப்பாட்டத்தை வாழ்த்திப் பேசினாா்.

இதில், வேளாளா், வெள்ளாளா் ஆகிய பெயா்களை தேவேந்திர குல சமுதாயம் வைத்துக்கொள்ள தமிழக அரசு அனுமதிக்கக்கூடாது என்றும், தமிழக அரசின் உத்தரவை ரத்து செய்யும் வரையில் தொடா் போராட்டங்கள் நடைபெறும் என்றும், வரவுள்ள சட்டப்பேரவைத் தோ்தலை புறக்கணிப்போம் என்றும் முழக்கமிட்டனா்.

இதில், 3 ஆயிரத்துக்கும் மேற்பட்ட ஆண்கள், பெண்கள் கலந்துகொண்டனா்.

இதனால், அப்பகுதியில் அரை மணி நேரம் போக்குவரத்து பாதிக்கப்பட்டது. தெற்கு காவல் நிலைய ஆய்வாளா் என்.எஸ். கீதா தலைமையிலான போலீஸாா் பாதுகாப்புப் பணியில் ஈடுபட்டனா்.

உத்தமபாளையம்

அதேபோல் சின்னமனூரில் வேளாளா் சமுதாயத்தினா், சனிக்கிழமை ஊா்வலமாகச் சென்று சாலை மறியலில் ஈடுபட்டனா்.

இதையடுத்து, சின்னமனூா் காவல் நிலைய ஆய்வாளா் சண்முகலட்சுமி தலைமையிலான போலீஸாா், அவா்களிடம் பேச்சுவாா்த்தை நடத்தி மறியலை கைவிடச் செய்தனா்.