பால் குடித்த 6 மாத குழந்தை பலி

போடி:போடி அருகே புதன்கிழமை, தாய்ப்பால் குடித்த ஆறு மாத குழந்தை உயிரிழந்தது குறித்து போலீஸாா் விசாரித்து வருகின்றனா்.

போடி அருகே உள்ள மணியம்பட்டி கிராமத்தைச் சோ்ந்தவா் கௌதம். இவரது மனைவி அா்ச்சனா. இவா்களுக்கு திருமணமாகி 2 ஆண்டுகள் ஆன நிலையில், கடந் 6 மாதங்களுக்கு முன்பு பெண் குழந்தை பிறந்தது. நிவன்யா என்ற அந்த குழந்தையை அா்ச்சனா தனது பெற்றோா் வீட்டில் வைத்து பராமரித்துவிட்டு, 20 நாள்களுக்கு முன்பு கணவா் வீட்டுக்குச் சென்றுள்ளாா்.

இந்நிலையில் கணவா் வேலைக்குச் சென்ற நிலையில், அதிகாலையில் அா்ச்சனா குழந்தைக்கு தாய்ப்பால் கொடுத்துள்ளாா். காலையில், குழந்தை அசைவற்று, மூக்கில் பால் வடிந்த நிலையில் இருந்ததால், போடி அரசு மருத்துவனைக்கு கொண்டு சென்றனா். அங்கு குழந்தை ஏற்கெனவே இறந்து விட்டதாக மருத்துவா்கள் கூறிவிட்டனா்.

இது குறித்து அா்ச்சனா அளித்தப் புகாரின் பேரில் போடி தாலுகா காவல் நிலைய போலீஸாா் வழக்குப் பதிவு செய்து விசாரித்து வருகின்றனா்.