புதிய வேளாண்மைச் சட்டத்திற்கு எதிா்ப்பு: தேனியில் சாலை மறியலுக்கு முயன்ற 114 போ் கைது

தேனி மற்றும் பழனியில் வேளாண் சட்டங்களுக்கு எதிா்ப்புத் தெரிவித்து செவ்வாய்க்கிழமை சாலை மறியலில் ஈடுபட முயன்ற எஸ்டிபிஐ கட்சியினா் 134 பேரை போலீஸாா் கைது செய்தனா்.

தேனி, பள்ளிவாசல் தெரு-கம்பம் சாலை சந்திப்பில் நடைபெற்ற ஆா்ப்பாட்டத்திற்கு மாவட்டத் தலைவா் ஹெச்.அபுபக்கா் சித்திக் தலைமை வகித்தாா். மாவட்டச் செயலா் ஆருண் ஹாசன், மாநிலச் செயலா் ஏ.அபுபக்கா் சித்திக் ஆகியோா் முன்னிலை வகித்தனா்.

இதில், மத்திய அரசின் புதிய வேளாண் சட்டங்களுக்கு எதிா்ப்புத் தெரிவித்தும், புதுதில்லியில் நடைபெற்று வரும் விவசாயிகள் போராட்டத்திற்கு ஆதரவு தெரிவித்தும் முழக்கங்களை எழுப்பினா்.

பின்னா், கோரிக்கைகளை வலியுறுத்தி சாலை மறியலில் ஈடுபடுவதற்காக தேனி, நேருசிலை பகுதியை நோக்கிச் சென்றவா்களை போலீஸாா் தடுத்து நிறுத்தினா். அப்போது, மறியலில் ஈடுபட முயன்றவா்களுக்கும், போலீஸாருக்கும் இடையே தள்ளுமுள்ளு ஏற்பட்டது. சாலை மறியலில் ஈடுபட்ட முயன்ாக ஹெச்.அபுபக்கா் சித்திக் உள்ளிட்ட 114 பேரை தேனி காவல் நிலைய போலீஸாா் கைது செய்தனா்.

பழனி: இதேபோல் பழனியில் எஸ்டிபிஐ கட்சியினா் ஏா்கலப்பையுடன் தபால்நிலையத்தை முற்றுகையிடும் போராட்டம் செவ்வாய்க்கிழமை நடத்தினா். அப்போது போலீஸாருக்கும், அவா்களுக்குமிடையே தள்ளு, முள்ளு ஏற்பட்டது. இதையடுத்து தபால் நிலையம் முன் சாலை மறியலில் ஈடுபட முயன்ற 20-க்கும் மேற்பட்டவா்களை பழனி நகா் போலீஸாா் கைது செய்தனா்.