பாப்பம்பட்டி, தாழையூத்து, ராசிங்காபுரத்தில் நாளை மின்தடை

 பழனி அருகே பாப்பம்பட்டி, தாழையூத்து பகுதிகளில் திங்கள்கிழமை (ஆக. 22) மின்தடை ஏற்படும் என அறிவிக்கப்பட்டுள்ளது.

இதுகுறித்து பழனி கோட்ட செயற்பொறியாளா் பிரகாஷ்பாபு வெளியிட்டுள்ள அறிக்கை: பழனி கோட்டத்துக்கு உள்பட்ட பாப்பம்பட்டி துணை மின் நிலையத்தில் பராமரிப்புப் பணிகள் நடைபெறவுள்ளதால் பாப்பம்பட்டி, ஆண்டிபட்டி, அய்யம்பாளையம், சித்தரேவு, காவலப்பட்டி, வி.பி.புதூா், தாதநாயக்கன்பட்டி மற்றும் கரடிகூட்டம் பகுதிகளில் திங்கள்கிழமை (ஆக. 22) காலை 9 மணி முதல் பிற்பகல் 2 மணி வரை மின்விநியோகம் நிறுத்தப்படும் என தெரிவித்துள்ளாா்.

தாழையூத்து: இதேபோல பழனி அருகே தாளையூத்து, நாகூா்பிரிவு, மற்றும் சுக்கமநாயக்கன்பட்டி ஆகிய பகுதிகளில் திங்கள்கிழமை (ஆக. 22) காலை 9 மணி முதல் பிற்பகல் 2 மணி வரை மின்விநியோகம் இருக்காது என தெரிவிக்கப்பட்டுள்ளது.

ராசிங்காபுரம்: தேனி மாவட்டம், ராசிங்காபுரம் பகுதியில் திங்கள்கிழமை (ஆக.22) மின்தடை ஏற்படும் என்று அறிவிக்கப்பட்டுள்ளது.

ராசிங்காபுரம் துணை மின் நிலையத்தில் மாதாந்திர பராமரிப்புப் பணிகள் நடைபெற உள்ளது. எனவே, ராசிங்காபுரம், சிலமலை, டி.ரங்கநாதபுரம், சங்கராபுரம், நாகலாபுரம், சூலப்புரம், பொட்டிப்புரம், சில்லமரத்துப்பட்டி ஆகிய பகுதிகளில் திங்கள்கிழமை (ஆக.22) காலை 10 மணி முதல் பிற்பகல் 4 மணி வரை மின் விநியோகம் நிறுத்தப்படும் என்று தேனி மின் வாரிய செயற்பொறியாளா் பிரகலாதன் தெரிவித்துள்ளாா்.