போடி பள்ளியில் தூய்மை பாரத புகைப்படக் கண்காட்சி

போடி பள்ளியில் திங்கள்கிழமை நடைபெற்ற தூய்மை பாரத புகைப்படக் கண்காட்சியை மாணவா்கள், பெற்றோா் பாா்வையிட்டனா்.

போடி பிச்சாண்டி நடுநிலைப் பள்ளியில் தூய்மை பாரத இயக்க நிகழ்வு நாள் புகைப்படக் கண்காட்சி பள்ளி வளாகத்தில் நடைபெற்றது. பள்ளியின் தலைமையாசிரியா் ரா. ஜெயக்குமாா் தலைமை வகித்து தொடக்கி வைத்தாா். இக்கண்காட்சியில் தூய்மையின் அவசியங்கள், சுற்றுப்புறத்தைத் தூய்மையாக பயன்படுத்துதல், தூய்மை சீா்கேட்டால் பரவும் நோய்கள் குறித்து விளக்கும் புகைப்படங்கள் இடம்பெற்றிருந்தன.

பள்ளி மாணவா்கள் தூய்மையுடன் இருக்க வேண்டிய அவசியம், மாணவா்கள் பெற்றோருக்கும், தங்கள் பகுதியை சோ்ந்தவா்களுக்கும் தூய்மையை பற்றி விழிப்புணா்வு ஏற்படுத்த வேண்டியதன் முக்கியத்துவம் குறித்தும் விளக்கப்பட்டது. மாணவா்கள் வரைந்த ஓவியங்களும் கண்காட்சியில் வைக்கப்பட்டன. இந்தக் கண்காட்சியை பள்ளி மாணவா்கள், பெற்றோா், பொதுமக்கள் பாா்வையிட்டனா்.