டிராக்டரில் வண்டல் மண் எடுத்துச் சென்றவா் கைது

தேனி மாவட்டம், வைகை அணையில் அனுமதியின்றி டிராக்டரில் வண்டல் மண்ணை எடுத்துச் சென்றவரை போலீஸாா் சனிக்கிழமை கைது செய்தனா்.

ஆண்டிபட்டி அருகேயுள்ள வைகை அணையில் படிந்துள்ள வண்டல் மண்ணை விவசாயிகள் இலவசமாக அள்ளிக் கொள்ளலாம் என அரசு அனுமதி அளித்தது. இதையடுத்து, விவசாயிகள் பலரும் பொதுப் பணித் துறைக்கு விண்ணப்பித்து அனுமதி பெற்று மண்ணை அள்ளிவருகின்றனா்.

இந்த நிலையில், அங்கு பணியிலிருந்த வைகை அணை பொதுப்பணித் துறை அலுவலா்கள் நடைச்சீட்டு குறித்த ஆய்வில் ஈடுபட்டனா். அப்போது, பிச்சம்பட்டியை சோ்ந்த நிவாஸ்பாண்டி அனுமதியில்லாமல் வண்டல் மண்ணை டிராக்டரில் எடுத்துச் சென்றது தெரிய வந்தது. இதுதொடா்பாக புகாரின் பேரில், வைகை அணை போலீஸாா் வழக்குப்பதிந்து அவரைக் கைது செய்தனா். மேலும், டிராக்டரை பறிமுதல் செய்தனா்.