சாலை விபத்தில் மாற்றுத் திறனாளி உயிரிழப்பு

போடியில் சாலையோர இரும்புக் கம்பத்தில் மூன்று சக்கர வாகனம் மோதியதில் அதில் பயணம் செய்த மாற்றுத் திறனாளி உயிரிழந்தாா்.

தேனி மாவட்டம், போடி மதுரை வீரன் தெருவைச் சோ்ந்த பொன்னன் மகன் சந்திரன் (58). மாற்றுத் திறனாளி. போடி மூணாறு சாலையில் தனியாா் வீட்டுமனை இடத்தில் காவலாளியாக வேலை செய்து வந்தாா்.

ஞாயிற்றுக்கிழமை வீட்டுக்கு வந்துவிட்டு திரும்ப வேலை செய்யும் இடத்துக்கு மூன்று சக்கர வாகனத்தில் சென்றாா். போடி மூணாறு சாலையில் அரசு உதவி பெறும் தனியாா் கல்லூரி அருகே சென்ற போது சாலையோரம் இருந்த இரும்புக் கம்பத்தில் இவரது வாகனம் மோதியது. இதில் சந்திரன் சம்பவ இடத்திலேயே உயிரிழந்தாா். இதுகுறித்து போடி நகா் காவல் நிலையப் போலீஸாா் வழக்குப் பதிவு செய்து விசாரிக்கின்றனா்.