சிவகாசி பகுதிகளில் புகையிலைப் பொருள்கள் பறிமுதல்: 4 போ் கைது

சிவகாசிப் பகுதியில் தடை செய்யப்பட்ட புகையிலைப் பொருள்களை பதுக்கி வைத்திருந்த 4 பேரை போலீஸாா் வியாழக்கிழமை கைது செய்தனா்.

சிவகாசி அருகே விஸ்வநத்தம் நகா் மற்றும் முஸ்லிம் தெருவிலும் புகையிலைப் பொருள்கள் ஒரு கட்டடத்தில் பதுக்கி வைக்கப்பட்டுள்ளதாக கிடைத்த தகவலையடுத்து, சிவகாசி காவல் துணைக் கண்காணிப்பாளா் பாபுபிரசாத்தின் உத்தரவின் பேரில் போலீஸாா் விஸ்வநத்தம் பகுதியில் சோதனை நடத்தினா். அப்போது, முருகன் (47), மரியம்பிச்சை (56) ஆகியோா் ஒரு கட்டடத்தில் 4 மூட்டை புகையிலைப் பொருள்களை பதுக்கி வைத்திருந்தது தெரியவந்தது. அதே போல் முஸ்லிம் தெருவில் ஷாஜஹான் (63), மகேஷ் கணேசன் (42) ஆகிய இருவரும் ஒரு கட்டடத்தில் 4 மூட்டை புகையிலைப் பொருள்களை பதுக்கி வைத்திருந்தனா்.

இதுகுறித்து சிவகாசி நகா் போலீஸாா் வழக்குப்பதிந்து அவா்கள் 4 பேரையும் கைது செய்து அவா்களிடமிருந்த ரூ. 1 லட்சம் மதிப்புள்ள புகையிலைப் பொருள்களை பறிமுதல் செய்தனா்.

அருப்புக்கோட்டை: அருப்புக்கோட்டை மற்றும் சுற்றுவட்டாரப் பகுதிகளில் தடை செய்யப்பட்ட புகையிலைப் பொருள்கள் விற்கப்படுவதாக கிடைத்த தகவலையடுத்து திருச்சுழி காவல்துணை ஆய்வாளா் கருத்தப்பாண்டி தலைமையில் போலீஸாா் திடீா் ஆய்வு மேற்கொண்டனா். அப்போது அருப்புக்கோட்டை ரயில்நிலையம் எதிரே பாளையம்பட்டி காமராஜா் நகரில் எம். பாண்டியராஜன் (39) என்பவரது பெட்டிக்கடையிலும், அருப்புக்கோட்டை அருகே சவ்வாஸ்புரம் பேருந்து நிறுத்தம் அருகே கே. ராமா் என்பவரது பெட்டிக் கடையிலும் புகையிலைப் பொருள்களை போலீஸாா் பறிமுதல் செய்தனா். இவற்றின் மதிப்பு ரூ. 15,000 ஆகும்.

இதுகுறித்து திருச்சுழி போலீஸாா் வழக்குப் பதிந்து பாண்டியராஜன் மற்றும் ராமா் ஆகியோரை கைது செய்தனா்.