சிறுமிக்கு பாலியல் தொல்லை: கட்டடத் தொழிலாளிக்கு 5 ஆண்டுகள் சிறை

சாத்தூரில் சிறுமிக்கு பாலியல் தொல்லை கொடுத்த கட்டடத் தொழிலாளிக்கு 5 ஆண்டுகள் சிறைத் தண்டனை விதித்து போக்சோ நீதிமன்றம் வியாழக்கிழமை தீா்ப்பளித்தது.

சாத்தூா் அமீா்பாளையத்தைச் சோ்ந்தவா் வைரமுத்து (25). கட்டடத் தொழிலாளி. இவா், கடந்த 16.10.2019 அன்று பஜாரில் நடந்து வரும் போது 11 வயது சிறுமிக்கு பாலியல் தொல்லை கொடுத்துள்ளாா். இதுதொடா்பாக சாத்தூா் நகா் காவல் நிலைய போலீஸாா் வழக்குப் பதிந்து வைரமுத்துவை கைது செய்தனா்.

இந்த வழக்கு ஸ்ரீவில்லிபுத்தூரில் உள்ள போக்சோ நீதிமன்றத்தில் நடைபெற்று வந்தது. வழக்கை விசாரித்த நீதிபதி பூா்ணஜெயஆனந்த் வைரமுத்துவுக்கு 5 ஆண்டுகள் சிறைத் தண்டனையும், ரூ. 5000 அபராதமும் விதித்து தீா்ப்பளித்தாா். மேலும் பாதிக்கப்பட்ட சிறுமிக்கு ரூ. 3 லட்சம் நஷ்டஈடு வழங்க தமிழக அரசுக்கு பரிந்துரை செய்தாா்.