மாநகராட்சி அலுவலகத்தை பாா்வையிட்ட மாணவா்கள்

சிவகாசி மாநகராட்சி அலுவலக செயல்பாடுகளை வியாழக்கிழமை அரசுப் பள்ளி மாணவா்கள் பாா்வையிட்டனா்.

சிவகாசி வட்டம், ஜமீன்சல்வாா்பட்டியில் உள்ள அரசு நடுநிலைப் பள்ளியில் 8- ஆம் வகுப்பு படிக்கும் மாணவ, மாணவிகள் 16 போ் சிவகாசி மாநகராட்சி அலுவலகத்துக்கு வந்தனா்.

இவா்கள் மாநகராட்சியில் உள்ள சுகாதாரப் பிரிவு, பொறியியல் பிரிவு, கணக்குப் பிரிவு உள்ளிட்ட பிரிவுகளின் செயல்பாடுகளைப் பாா்வையிட்டனா்.

அப்போது, மாநகராட்சி அலுவலா்களிடம் தங்களது சந்தேகங்களைக் கேட்டறிந்தனா். கணினி மூலம் பல்வேறு பணிகள் நடைபெறுவதை மாணவா்கள் ஆா்வத்துடன் பாா்வையிட்டனா்.

மாணவா்களுடன் ஆசிரியா்கள் முத்து, விஜயா ஆகியோா் வந்தனா்.