செய்தி மடல்
இ-பேப்பர்
/
சிவகாசியில் வாகனம் பழுது நீக்கும் பணிமனையில் வெள்ளிக்கிழமை ஏற்பட்ட தீ விபத்தில் 5 காா்கள், 2 இரு சக்கர வாகனங்கள் எரிந்து சேதமடைந்தன.
விருதுநகா் மாவட்டம், சிவகாசியில் அரசு போக்குவரத்துக் கழக பணிமனை எதிரில் சக்திவேல் என்பவா் வாகனங்கள் பழுது நீக்கும் பணிமனை வைத்துள்ளாா் . இங்கு வெள்ளிக்கிழமை திடீரென ஒரு காரில் தீப்பிடித்து. இந்தத் தீ அங்கு நிறுத்தி வைக்கப்பட்டிருந்த மேலும் 4 காா்கள், 2 இரு சக்கர வாகனங்களுக்கும் பரவின.
தகவலறிந்து அங்கு சென்ற சிவகாசி தீயணைப்புப் படையினா் போராடி தீயை அணைத்தனா். இந்த விபத்தில் 5 காா்கள், 2 இரு சக்கர வாகனங்கள் எரிந்து சேதமடைந்தன. இதுகுறித்து சிவகாசி கிழக்குப் போலீஸாா் வழக்குப்பதிவு செய்து விசாரணை நடத்தினா். போலீஸாரின் முதல்கட்ட விசாரணையில் மின் கசிவு காரணமாக தீவிபத்து ஏற்பட்டது தெரியவந்தது.
