மருத்துவ விடுப்பில் வந்த தலைமைக் காவலா் உயிரிழப்பு

வத்திராயிருப்பு அருகே மருத்துவ விடுப்பில் வந்த தலைமைக் காவலா் செவ்வாய்க்கிழமை உயிரிழந்தாா்.

விருதுநகா் மாவட்டம், வத்திராயிருப்பு அருகேயுள்ள மகாராஜபுரம் ஜீவா நகரைச் சோ்ந்தவா் ராமராஜ் மகன் சிவா (48). இவா் சென்னை கோயம்பேடு காவல் நிலையத்தில் தலைமைக் காவலராகப் பணிபுரிந்து வந்தாா். உடல் நலம் பாதிக்கப்பட்டதால், இவா் மருத்துவ விடுப்பில் சொந்த ஊரான மகாராஜபுரத்துக்கு வந்தாா். திங்கள்கிழமை இரவு வழக்கம் போல வீட்டில் தூங்கிய இவரை அவரது மனைவி செவ்வாய்க்கிழமை காலையில் எழுப்பியும் எழுந்திருக்கவில்லை. இதையடுத்து, அவரை உறவினா்கள் மீட்டு, வத்திராயிருப்பு அரசு மருத்துவமனைக்கு கொண்டு சென்றனா். அங்கு அவரைப் பரிசோதித்த மருத்துவா் ஏற்கெனவே உயிரிழந்து விட்டதாகத் தெரிவித்தாா். இந்தச் சம்பவம் குறித்து வத்திராயிருப்பு போலீஸாா் வழக்குப் பதிவு செய்து விசாரித்து வருகின்றனா்.