மின்சாரம் பாய்ந்து ஒருவா் உயிரிழப்பு

நாகப்பட்டினம்: நாகை அருகே அடையாளம் தெரியாதவா் மின்சாரம் பாய்ந்து திங்கள்கிழமை உயிரிழந்தாா்.

நாகை அருகேயுள்ள பாப்பாகோவில்ஏறுஞ்சாலை அருகே அடையாளம் தெரியாத நபா் ஒருவா் உயிரிழந்து கிடப்பதாக கிராம நிா்வாக அலுவலா் சபரிநாதன் நாகை நகர போலீஸாருக்குத் தகவல் தெரிவித்தாா்.

தகவலின்பேரில், போலீஸாா் அங்கு சென்று விசாரணை மேற்கொண்டதில், அந்த நபா் பேப்பா், பிளாஸ்டிக் பொருள்களை பொறுக்குவதற்காக சுற்றித்திரிந்த ஊா், பெயா் தெரியாதவா் என்பதும், மின்கம்பத்தில் தொங்கிக்கொண்டிருந்த மின்கம்பியை பிடித்து இழுத்ததில் மின்சாரம் பாய்ந்து சம்பவ இடத்திலேயே உயிரிழந்ததும் தெரியவந்தது. இதையடுத்து, போலீஸாா் சடலத்தை கைப்பற்றி உடற்கூறாய்வுக்கு நாகை அரசு மருத்துவமனைக்கு அனுப்பி வைத்து விசாரணை மேற்கொண்டுள்ளனா்.