இருசக்கர வாகனங்களை திருடியவா் கைது

மயிலாடுதுறையில் புல்லட் வாகனங்களை குறிவைத்து திருடிச்சென்று விற்பனை செய்த இளைஞரை தனிப்படை போலீஸாா் கைது செய்தனா்.

மயிலாடுதுறை கேணிக்கரை சுப்பிரமணியபுரத்தை சோ்ந்த ஜெயராஜ் என்பவரது புல்லட் கடந்த மாா்ச் 23-ம் தேதியும், புதுத்தெருவில் வசிக்கும் மயிலாடுதுறை தீயணைப்புதுறை நிலைய அலுவலா் அ.முத்துக்குமாரின் புல்லட் மாா்ச் 25-ஆம் தேதியும் காணாமல் போனது. இதுகுறித்து மயிலாடுதுறை குற்றப்பிரிவு தனிப்படை உதவி காவல் ஆய்வாளா் இளையராஜா ஆத்மநாதன் தலைமையில் சிறப்பு உதவி ஆய்வாளா் ரமேஷ், காவலா்கள் நரசிம்மபாரதி, அசோக், செந்தில், காா்த்தி, ரவிக்குமாா், ஆனந்த், மணிகண்டன் ஆகிய போலீஸாா் விசாரணை மேற்கொண்டனா்.

விசாரணையில், மயிலாடுதுறை நல்லத்துக்குடி சிவன் நகரைச் சோ்ந்த மணிகண்டன் (எ) சண்முகம் (38) புல்லட்களை திருடியது உறுதிப்படுத்தப்பட்டது. இந்நிலையில், மயிலாடுதுறை கிளைச்சிறை முன் போலீஸாா் வாகன தணிக்கையில் ஈடுபட்டபோது இருசக்கர வாகனத்தில் வந்த மணிகண்டன் சிக்கினாா். உடனடியாக அவரை போலீஸாா் கைது செய்தனா். விசாரணையில் திருடப்பட்ட புல்லட்களை ஜெயங்கொண்டத்தை அடுத்த மீன்சுருட்டியில் விற்பனை செய்தது தெரியவந்தது. உடனடியாக போலீஸாா் இரண்டு புல்லட்டுகளையும் பறிமுதல் செய்து மயிலாடுதுறை காவல் நிலையம் கொண்டுவந்து காவல் ஆய்வாளா் பாலசுப்பிரமணியனிடம் ஒப்படைத்தனா். இதையடுத்து, போலீஸாா் மணிகண்டன் மீது வழக்குப்பதிவு செய்து நீதிமன்றத்தில் ஆஜா்படுத்தி சிறையில் அடைத்தனா்.