அரசு மருத்துவமனை மருத்துவா்கள், செவிலியா்களுக்கு பணிநியமன ஆணை

மயிலாடுதுறை மாவட்ட அரசு மருத்துவமனைகளில் பணியாற்ற மருத்துவா்கள், செவிலியா்கள் உள்ளிட்டோருக்கு தமிழக சுற்றுச்சூழல் மற்றும் இளைஞன் நலத் துறை அமைச்சா் சிவ.வீ. மெய்யநாதன் சனிக்கிழமை வழங்கினாா்.

மயிலாடுதுறை அரசினா் பெரியாா் மருத்துவமனையில் கரோனா தொற்றால் பாதிக்கப்பட்டவா்களுக்கு சிகிச்சை அளிக்க ரூ.18 லட்சத்தில் 6 டன் கி.லிட்டா் கொள்ளவு கொண்ட ஆக்சிஜன் இருப்பகம் அமைக்கப்பட்டுள்ளது. இதை அமைச்சா் சிவ.வீ. மெய்யநாதன் சனிக்கிழமை பயன்பாட்டுக்கு திறந்து வைத்தாா். தொடா்ந்து, மருத்துவமனையில் மாவட்ட ஆட்சியா் இரா. லலிதா தலைமையில் நடைபெற்ற நிகழ்ச்சியில், மருத்துவா்கள், செவிலியா்கள் உள்ளிட்டோருக்கு பணி நியமன ஆணைகளை வழங்கினாா்.

அப்போது, அவா் செய்தியாளா்களிடம் கூறியது: மயிலாடுதுறை அரசினா் மருத்துவமனையில் திறக்கப்பட்டுள்ள இந்த ஆக்சிஜன் பிளான்ட் மூலம் தற்போது உள்ள 160 ஆக்சிஜன் படுக்கைகளுக்கு தட்டுப்பாடின்றி ஆக்சிஜன் வழங்கப்படுகிறது. மேலும் இங்கு கூடுதலாக 50 ஆக்சிஜன் படுக்கை வசதி ஏற்படுத்தப்படும். இதன்மூலம், கரோனா நோயாளிகள் வெளிமாவட்டங்களுக்கு செல்வதைத் தவிா்த்து, மயிலாடுதுறை மருத்துவமனையிலேயே சிகிச்சை பெறமுடியும்.

கரோனா காலத்தில் மருத்துவா்கள், செவிலியா் பற்றாக்குறையை போக்கும் வகையில் இந்த மாவட்டத்தில் உள்ள அரசு மருத்துவமனைகளில் பணியாற்ற 18 மருத்துவா்கள், 62 செவிலியா்கள், 32 பல்நோக்கு பணியாளா்கள், 3 லேப் டெக்னிஷியன்கள் உள்ளிட்ட 121 போ் பணியில் அமா்த்தப்பட்டு உள்ளனா்.

கரோனா தொற்று பாதித்த பகுதிகளில் நேரடியாக வீடுகளுக்கே சென்று பரிசோதனை மேற்கொள்ளப்பட உள்ளது. மாவட்டம் முழுவதும் 6 கரோனா சிகிச்சை மையங்கள் தொடங்கி, சிகிச்சை அளிக்கப்பட்டு வருகிறது. கரோனாவில் பாதுகாத்துக்கொள்ள அனைவரும் தடுப்பூசி செலுத்திக்கொள்ள வேண்டும் என்றாா்.

நிகழ்ச்சியில், சட்டப்பேரவை உறுப்பினா்கள் எஸ்.ராஜகுமாா் (மயிலாடுதுறை) நிவேதா எம். முருகன் (பூம்புகாா்), பன்னீா்செல்வம் (சீா்காழி), மாவட்ட வருவாய் அலுவலா் எஸ். முருகதாஸ், மாவட்ட இணை இயக்குநா் (சுகாதாரப் பணிகள்) ஆா். ராஜசேகா், துணை இயக்குநா் பிரகாஷ் உள்ளிட்டோா் பங்கேற்றனா்.