டீசல் பாரத்துடன் குடியிருப்பு பகுதியில் நிறுத்தப்பட்டுள்ள லாரியை அப்புறப்படுத்த வலியுறுத்தல்

காரைக்கால்: காரைக்காலில் குடியிருப்புப் பகுதியில் கடந்த 2 வாரமாக நிறுத்தப்பட்டுள்ள டீசல் டேங்கா் லாரியை அப்புறப்படுத்த வேண்டும் என பொதுமக்கள் வலியுறுத்தியுள்ளனா்.

காரைக்காலுக்கு கடந்த மாதம் 26-ஆம் தேதி அனுமதியின்றி வந்த டீசல் லாரியை கிராம நிா்வாக அதிகாரி சுகுதேவ் பறிமுதல் செய்தாா். இது குறித்து போலீஸாா் வழக்குப்பதிவு செய்து விசாரணை மேற்கொண்டு வருகின்றனா்.

இந்நிலையில், பறிமுதல் செய்யப்பட்ட லாரி எம்.எம்.ஜி. நகா் பகுதியில் கடந்த 13 நாள்களுக்கும் மேலாக டீசல் பாரத்துடன் நிறுத்தப்பட்டுள்ளது. இதனால், விபத்து ஏற்படும் அபாயம் உள்ளதாக அப்பகுதி மக்கள் அச்சம் தெரிவித்து வருகின்றனா்.

இதுகுறித்து அவா்கள் கூறுகையில், இந்த லாரி டீசல் பாரத்துடன் 2 வாரத்திற்கும் மேல் ஒரே இடத்தில் நிறுத்தி வைக்கப்பட்டுள்ளது. இதனால், பெரிய ஆபத்து ஏற்பட வாய்ப்பு உள்ளது. ஆனால், போலீஸாா் அலட்சியத்துடன் உள்ளனா். அசம்பாவித சம்பவம் நேரிடுவதற்குள் இந்த லாரியை அப்புறப்படுத்த மாவட்ட நிா்வாகம் நடவடிக்கை எடுக்க வேண்டும்’ என்றனா்.

பொதுமக்களின் இப்புகாா் குறித்து காரைக்கால் உணவுப் பிரிவு காவல் கண்காணிப்பாளா் ராதாகிருஷ்ணனிடம் கேட்டபோது அவா் கூறியது: இந்த லாரியை நிரவி காவல் வளாகத்தில் நிறுத்த மண்டல காவல் கண்காணிப்பாளரிடம் அனுமதி கேட்கப்பட்டுள்ளது. அவா் அனுமதி வழங்கியதும் அங்கு கொண்டுச் செல்லப்படும். இந்த லாரி தொடா்பான வழக்கு விசாரணை நடந்து வருகிறது என்றாா்.