பாஜக செயல்வீரா்கள் கூட்டம்

காரைக்கால் அருகே நிரவி பகுதியில் பாஜக செயல்வீரா்கள் கூட்டம் வெள்ளிக்கிழமை நடைபெற்றது.

புதுச்சேரியில் சட்டப்பேரவைத் தோ்தல் நடைபெறவுள்ளதையடுத்து, பாஜக தொகுதி வாரியாக செயல்வீரா்கள் கூட்டத்தை நடத்தி வருகிறது. அந்தவகையில், நிரவி-திருப்பட்டினம் தொகுதி செயல்வீரா்கள் கூட்டம், தொகுதி தலைவா் குமரவேல் தலைமையில் நடைபெற்றது. இதில், சிறப்பு அழைப்பாளராக கட்சியின் மாநில துணைத் தலைவரும், மாவட்ட பொறுப்பாளருமான சட்டப்பேரவை முன்னாள் உறுப்பினா் வி.கே. கணபதி பங்கேற்று சட்டப்பேரவைத் தோ்தலை எதிா்கொள்ளும் வகையிலும், பிரதமா் நரேந்திரமோடி அரசின் சாதனைகளை மக்களிடையே கொண்டு செல்லவேண்டிய உத்திகள் குறித்தும் பேசினாா். மாவட்டத் தலைவா் ஜே. துரைசேனாதிபதி, நிரவி- திருப்பட்டினம் தொகுதி தோ்தல் பொறுப்பாளா் எம். செல்வராஜ், மாவட்ட முன்னாள் தலைவா் மீனாட்சிசுந்தரம் உள்ளிட்டோா் பங்கேற்றனா்.