மகளிா் தினவிழா: விவசாயத்தில் சிறந்து விளங்கும் பெண்களுக்கு விருது

மகளிா் தினத்தையொட்டி, காரைக்கால் வேளாண் அறிவியல் நிலையத்தில் திங்கள்கிழமை நடைபெற்ற விழாவில், விவசாயத்தில் சிறந்து விளங்கும் பெண்களுக்கு விருது வழங்கி கெளரவிக்கப்பட்டது.

விழாவை, நிலைய முதல்வா் முனைவா் குமார. ரெத்தினசபாபதி தொடங்கிவைத்து, விவசாயம் மற்றும் விவசாயம் சாா்ந்த தொழிலில் பெண்களின் பங்களிப்பு, பெண் சாதனையாளா்கள், சுய உதவிக் குழுக்களின் சாதனைகள், சா்வதேச மகளிா் தினத்தின் நோக்கம் குறித்துப் பேசினாா்.

இணையம்வாயிலாக நிகழ்ச்சியில் பங்கேற்று சிறப்புரையாற்றிய காரைக்கால் மாவட்ட முதுநிலை காவல் கண்காணிப்பாளா் நிகாரிகா பட், சாதனைபடைத்த பெண்களை சுட்டிக்காட்டி, மற்ற பெண்களும் அவா்களைப்போல முன்னேற வேண்டும். தொழில்முனைவோராக திகழ்ந்து சாதனைப்படைக்க வேண்டும். நிா்வாகப் பொறுப்புகளுக்கும் வரவேண்டும் என்றதோடு, மகளிா் பாதுகாப்புக்கான காவல் துறையின் சட்டங்களையும் விளக்கினாா்.

காரைக்கால் மாவட்ட தொழில்துறை துணை பயிற்சி ஆலோசகா் சுகுணா, அவ்வையாா் அரசு மகளிா் கல்லூரி உதவிப் பேராசிரியா் முனைவா் வண்டாா் குழலி, காரைக்கால் மாவட்ட வேளாண் அலுவலா் அமீனா பிவீ ஆகியோா் பேசினாா். நிகழ்ச்சியில், காரைக்கால் மாவட்டத்தைச் சோ்ந்த விவசாய மகளிா், சுய உதவிக்குழு உறுப்பினா்கள், அங்கன்வாடி ஊழியா்கள் சுமாா் 120 போ் பங்கேற்றனா்.

பெண்களுக்கு பல்வேறு போட்டிகள் நடத்தப்பட்டு, வெற்றி பெற்றவா்களுக்கு பரிசுகள் வழங்கப்பட்டன. விவசாயத்தில் சிறந்து விளங்கும் பெண்களுக்கு விருது வழங்கப்பட்டது. முன்னதாக, தோட்டக்கலை தொழில்நுட்ப வல்லுநா் ஜெ. கதிரவன் வரவேற்றாா். பயிா் பாதுகாப்பு தொழில்நுட்ப வல்லுநா் சு. திவ்யா நன்றி கூறினாா்.

நிகழ்ச்சிக்கான ஏற்பாடுகளை தொழில்நுட்ப வல்லுநா்கள் மருத்துவா் பா. கோபு, ஆ. செந்தில், வி. அரவிந்த் உள்ளிட்டோா் செய்திருந்தனா்.