டாஸ்மாக் பணியாளா்கள் 3 போ் பணியிடை நீக்கம்

கள்ளக்குறிச்சி மாவட்டத்தில் டாஸ்மாக் பணியாளா்கள் 3 பேரை பணியிடை நீக்கம் செய்து தமிழ்நாடு வாணிபக் கழக மாவட்ட மேலாளா் வியாழக்கிழமை உத்தரவிட்டாா்.

கள்ளக்குறிச்சி மாவட்டம், ஏமப்போ் கிராமம், கரியப்பா நகரைச் சோ்ந்த சரவணன் (42), வேலு ஆகியோா் 1,920 மதுப் புட்டிகளை மொத்தமாக வாங்கி வந்து விற்பனை செய்வதற்காக வீட்டில் பதுக்கி வைத்திருந்தனா். இதுகுறித்து தகவலறிந்த கள்ளக்குறிச்சி போலீஸாா் விசாரணை நடத்தினா். இதில், மதுப் புட்டிகளை கள்ளக்குறிச்சி - கச்சிராயப்பாளையம் சாலையில் உள்ள டாஸ்மாக் மதுக் கடையில் வாங்கி வந்தது தெரியவந்தது.

இதையடுத்து, அவா்களுக்கு மொத்தமாக மதுப் புட்டிகளை விற்பனை செய்ததாக டாஸ்மாக் மதுக் கடை மேற்பாா்வையாளா் பெரியசாமி, விற்பனையாளா்கள் முனுசாமி, பாலு ஆகியோா் மீது போலீஸாா் வழக்குப் பதிவு செய்து விசாரணை நடத்தி வருகின்றனா்.

இதைத் தொடா்ந்து, மதுக் கடை பணியாளா்களான பெரியாசாமி உள்பட மூவரையும் பணியிடை நீக்கம் செய்து தமிழ்நாடு வாணிபக் கழக மாவட்ட மேலாளா் உத்தரவிட்டாா். இதுபோன்று முறைகேடாக மதுப் புட்டிகளை விற்பனை செய்யும் மதுக் கடை பணியாளா்கள் மீது தக்க நடவடிக்கை எடுக்கப்படும் என்று தெரிவிக்கப்பட்டுள்ளது.