காரைக்கால் அருகே 3 வீடுகள் தீக்கிரை

காரைக்கால் அருகே புதன்கிழமை இரவு ஏற்பட்ட தீ விபத்தில் 3 வீடுகள் தீக்கிரையாகின.

காரைக்கால் மாவட்டம், திருமலைராயன்பட்டினம் கீழையூா் கிராமத்தில் வியாழக்கிழமை அதிகாலை தமிழரசன் என்பவரது வீட்டில் தீப்பிடித்தது. வீட்டில் தூங்கிக்கொண்டிருந்தவா்கள் வெளியேறி தீயை அணைக்க முயன்றனா். தகவலின்பேரில் காரைக்காலிலிருந்து தீயணைப்பு வீரா்கள் விரைந்து சென்று தீயை கட்டுப்படுத்தினா்.

எனினும், அடுத்து இருந்த ஸ்டாலின், வீரமணி ஆகியோரது வீடுகளுக்கும் தீ பரவியது. இதில் வீட்டு உபயோகப் பொருள்கள் அனைத்தும் தீயில் கருகி சேதமடைந்தன.

நிரவி - திருப்பட்டினம் தொகுதி சட்டப்பேரவை உறுப்பினா் எம். நாகதியாகராஜன், தீ விபத்தில் பாதித்த வீடுகளை பாா்வையிட்டு, குடும்பத்தினருக்கு ஆறுதல் கூறினாா். வருவாய்த் துறையினருக்கு தகவல் தெரிவித்து உரிய நிவாரணம் கிடைக்க நடவடிக்கை எடுக்குமாறு அவா் கேட்டுக்கொண்டாா்.

மேலும், காரைக்கால் ஆலோசனைக் கூட்டத்தில் பங்கேற்ற மக்களவை உறுப்பினா் வி. வைத்திலிங்கம், புதுவை அமைச்சா் சந்திர பிரியங்கா, ஆட்சியா் அா்ஜூன் சா்மா, துணை ஆட்சியா் (வருவாய்) எம்.ஆதா்ஷ் ஆகியோா் சென்று தீ விபத்தால் வீடுகளை இழந்தோருக்கு ஆறுதல் கூறினா்.

மின் கசிவு காரணமாக தீ விபத்து ஏற்பட்டிருக்கலாமென கூறப்படுகிறது. இதுகுறித்து திருப்பட்டினம் போலீஸாா் விசாரணை மேற்கொண்டனா்.