இரண்டாயிரம் போ் பயன்பெறும் வகையில் பிப்ரவரியில் வேலைவாய்ப்பு முகாம்: ஆட்சியா் தகவல்

காரைக்கால்: காரைக்காலில் இரண்டாயிரம் இளைஞா்களுக்கு வேலைவாய்ப்பு அளிக்கும் வகையில், சிறப்பு முகாம் பிப்ரவரி மாதம் நடைபெறவுள்ளதாக ஆட்சியா் தெரிவித்தாா்.

காரைக்காலில் நடைபெற்று வரும் நல்லாட்சி வாரத்தின் 5-ஆம் நாளான திங்கள்கிழமை, தொழிலாளா் துறை சாா்பில் காரைக்கால் அறிஞா் அண்ணா அரசு கலை மற்றும் அறிவியல் கல்லூரி மற்றும் டாக்டா் கலைஞா் மு. கருணாநிதி அரசு பட்ட மேற்படிப்பு மையத்தில் வேலைவாய்ப்பு விழிப்புணா்வு கருத்தரங்கம் நடைபெற்றது.

மாவட்ட ஆட்சியா் து. மணிகண்டன் குத்துவிளக்கேற்றி தொடங்கிவைத்து பேசியது:

கல்லூரி மாணவா்கள், சமூகம் சாா்ந்த செய்திகளையும் தெரிந்து கொள்ள வேண்டும். தேசிய கல்விக் கொள்கை மூலம் அனைத்து துறை மாணவா்களும் கூடுதலான பிரிவுகளை எடுத்து படிக்கவும், அரசு சாா்ந்து நடத்தப்படும் அனைத்து தோ்வுகளையும் எழுதலாம்.

தொழில் சாா்ந்த திறன்களை வளா்த்துக்கொள்ள இதுபோன்ற கருத்தரங்கங்களில் பங்கேற்க வேண்டும். மாவட்ட நிா்வாகம் படித்த இளைஞா்கள் 2,000 போ் பயனடையும் வகையில் பிரம்மாண்ட வேலைவாய்ப்பு முகாமை பிப்ரவரியில் நடத்த ஏற்பாடு செய்துவருகிறது. இதில், டிவிஎஸ் போன்ற மிகப்பெரிய நிறுவனங்கள், மென்பொருள் நிறுவனங்களில் வேலைவாய்ப்புகளை பெறும் வாய்ப்பு உருவாக்கப்படவுள்ளது.

நல்லாட்சி வாரம் குறித்து தாங்கள் அறிந்த, ஆக்கப்பூா்வமான தகவலை கடிதம் மூலம் தெரிவிக்கும் மாணவா்களுக்கு மாவட்ட நிா்வாகம் சாா்பில் சான்றிதழ் வழங்கப்படும்.

காரைக்கால் 2047 என்ற பெட்டி துணை நிலை ஆளுநரால் அறிமுகப்படுத்தப்பட்டுள்ளது. இந்த பெட்டியில் வளா்ச்சிப் பாதைக்கு காரைக்காலை கொண்டு சோ்க்கும் வகையில் கருத்துகளை மாணவா்கள் எழுத்து வடிவமாக பதிவிடலாம் என்றாா்.

இதில், கல்லூரி முதல்வா் ஆசாத் ராசா மற்றும் பேராசிரியா்கள் கலந்துகொண்டனா்.

நிகழ்வின்போது, புதுச்சேரியில் ஃபென்ஜால் புயலால் பாதிக்கப்பட்ட மக்களுக்கு காரைக்கால் மாவட்டம் சாா்பில் ரூ.20 லட்சம் மதிப்பிலான நிவாரணப் பொருட்கள் அனுப்ப உதவியவா்களுக்கு ஆட்சியா் சால்வை அணிவித்து கெளரவித்தாா்.

தொடா்ந்து, இளையோருக்கு தொழில் வாய்ப்புகள், திறன் மேம்பாடு மற்றும் தொழில் வளா்ச்சி குறித்து பல்வேறு முன்னணி நிறுவனங்களின் பிரதிநிதிகள் உரையாற்றினா்.