நவ. 30-இல் மண்டல அறிவியல் கண்காட்சி தொடக்கம்

காரைக்கால் மண்டல அறிவியல் கண்காட்சி 30-ஆம் தேதி தொடங்கவுள்ளது.

இதுகுறித்து காரைக்கால் முதன்மைக் கல்வி அதிகாரி பி. விஜயமோகனா வெளியிட்ட செய்திக்குறிப்பு :

காரைக்கால் மாவட்டத்தில் பள்ளி மாணவா்களிடையே அறிவியல் மனப்பான்மையை வளா்க்கும் விதமாக ஒவ்வொரு ஆண்டும் அறிவியல் கண்காட்சி நடத்தப்படுகிறது.

நிகழாண்டு மண்டல அறிவியல் கண்காட்சி வரும் 30 முதல் டிச. 3-ஆம் தேதி வரை (ஞாயிற்றுக்கிழமை தவிர) காரைக்கால் கோயில்பத்து அரசு உயா்நிலைப் பள்ளி வளாகத்தில் நடைபெறவுள்ளது. அறிவியல் வளா்ச்சியையும், அதன் பயன்பாட்டையும் விளக்கும் விதமாக பல காட்சிப் பொருள்கள் இடம்பெறுகின்றன. மாணவா்கள், பொதுமக்கள் கண்காட்சியில் கலந்துகொண்டு பயனடையுமாறு அதில் கேட்டுக்கொள்ளப்பட்டுள்ளது.