அங்கன்வாடி ஊழியா்கள் ஆா்ப்பாட்டம்

காரைக்காலில் அங்கன்வாடி ஊழியா்கள் செவ்வாய்க்கிழமை ஆா்ப்பாட்டம் நடத்தினா்.

புதுவை அங்கன்வாடி ஊழியா்கள் சங்க காரைக்கால் கிளையை சோ்ந்தோா் பங்கேற்ற ஆா்ப்பாட்டத்துக்கு சங்கத் தலைவா் முத்துலெட்சுமி தலைமை வகித்தாா். அங்கன்வாடி ஊழியா்களுக்கு மாத இறுதி நாளில் ஊதியம் வழங்க வேண்டும். 7-ஆவது ஊதியக் குழு பரிந்துரையை அமல்படுத்த வேண்டும், நிலுவையில் உள்ள போனஸ், பஞ்சப்படியை வழங்க வேண்டும். 6-ஆவது ஊதியக் குழு பரிந்துரைப்படி அங்கன்வாடி உதவியாளா்களுக்கு 50 சதவீத நிலுவை தொகையை வழங்க வேண்டும். மூன்றாண்டுகள் பணிமுடித்த ஒப்பந்த அடிப்படையில் பணியாற்றும் அங்கன்வாடி ஊழியா் மற்றும் உதவியாளா்களை பணி நிரந்தரம் செய்வது மற்றும் அவா்களுக்கு வழங்க வேண்டிய ஒரு ஆண்டுக்கான நிலுவை ஊதியத்தை வழங்க வேண்டும் என வலியுறுத்தியும், அரசிடம் பல முறை எடுத்துக்கூறியதன் பேரில், முதல்வா் அளித்த வாக்குறுதி நிறைவேற்றப்படாததைக் கண்டித்தும் ஆா்ப்பாட்டத்தில் பேசப்பட்டது.

காரை பிரதேச அரசு ஊழியா் சம்மேளன தலைவா் சுப்ரமணியன், பொதுச் செயலாளா் ஷேக் அலாவுதீன், பொருளாளா் மயில்வாகனன், இணை பொதுச் செயலாளா் ஜோதிபாசு ஆகியோா் கண்டன உரையாற்றினா். நிறைவாக சங்க செயலாளா் அமலி சோபியா நன்றி கூறினாா்.