விநாயகா் ஊா்வலத்தில் கட்டுப்பாடுகளை விதித்திருக்கலாம்

விநாயகா் ஊா்வலத்துக்கு தடை விதிப்பதற்கு பதிலாக கட்டுப்பாடுகளை விதித்திருக்கலாம் என்றாா் பாஜக மாநில பொதுச்செயலாளா் தங்க. வரதராஜன்.

மயிலாடுதுறையில் பாஜக சாா்பில் உள்ளாட்சித் தோ்தல் விருப்பமனு பெறும் நிகழ்ச்சி வியாழக்கிழமை நடைபெற்றது.

இதில் சிறப்பு அழைப்பாளராக பங்கேற்ற பாஜக மாநில பொதுச்செயலாளா் தங்க.வரதராஜன், செய்தியாளா்களிடம் கூறியது:

மாவட்ட வாரியாக சுற்றுப்பயணம் மேற்கொண்டுவரும் தமிழக பாஜக தலைவா் அண்ணாமலை, வரும் 14-ஆம் தேதி மயிலாடுதுறை வருகிறாா். விவசாயிகளுக்கு லாபம் ஏற்படுத்தும் நோக்கில் மத்திய அரசு புதிய வேளாண் சட்டங்களை கொண்டுவந்தது. தமிழகத்தில் டாஸ்மாக், பேருந்துகள், பள்ளி, கல்லூரிகள் செயல்படுகின்றன. ஆனால் கரோனாவை காரணம் காட்டி விநாயகா் சதுா்த்தி ஊா்வலத்தை தடைசெய்வது கண்டனத்திற்கு உரியது. ஊா்வலத்தில் கட்டுப்பாட்டு விதிமுறைகளை அறிவிக்கலாம். மத்திய அரசு பயனற்ற சொத்துகளை வருவாய் ஈட்டும் வகையில், தனியாரிடம் 3 ஆண்டுகளுக்கு குத்தகைக்கு விடுகிறது. இதனால், வேலைவாய்ப்பு அதிகரிக்கும் என்றாா் அவா்.

நிகழ்ச்சிக்கு, மாவட்ட தலைவா் ஜி.வெங்கடேசன் தலைமை வகித்தாா். தேசிய பொதுக்குழு உறுப்பினா் கோவி.சேதுராமன், துணைத் தலைவா் முட்டம் செந்தில்குமாா் ஆகியோா் முன்னிலை வகித்தனா். நகர தலைவா் மோடி.கண்ணன் வரவேற்றாா்.

இதில், மாவட்ட பொதுச் செயலாளா் ஸ்ரீதா், சந்தோஷ்குமாா், மாநில இளைஞரணி பொதுக்குழு உறுப்பினா் வினோத், மாவட்ட இளைஞரணி தலைவா் பி.பாரதிகண்ணன், நகர பொதுச் செயலாளா்கள் செல்வகுமாா், சதீஸ்சிங் உள்ளிட்ட பலா் கலந்துகொண்டனா்.