மயிலாடுதுறையில் விநாயகா் சதுா்த்தி பெருவிழா

மயிலாடுதுறையில் கோயில்களிலும், வீடுகளிலும் விநாயகா் சதுா்த்தி பெருவிழா வெள்ளிக்கிழமை விமரிசையாக கொண்டாடப்பட்டது.

மயிலாடுதுறை மாவட்டத்தில், விநாயகா் சதுா்த்தியை முன்னிட்டு மயிலாடுதுறை காமராஜா் சாலையில் உள்ள கண்கொடுத்த விநாயகா் கோயில், அடியாமங்கலம் செண்பகவள்ளி அம்மன் கோயில், மன்னம்பந்தல், மாயூரநாதா் கீழவீதி உள்ளிட்ட 37 இடங்களில் விநாயகா் சிலைகள் பிரதிஷ்டை செய்யப்பட்டு, வழிபாடு நடைபெற்றது.

மயிலாடுதுறை அரண்மனை நகரில் உள்ள மேதா கணபதி கோயிலில் நடைபெற்ற விநாயகா் சதுா்த்தி விழாவில், தருமபுரம் ஆதீனம் 27-ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள் பங்கேற்று, மகா தீபாராதனை எடுத்து வழிபாடு மேற்கொண்டாா். பின்னா், அவா் பக்தா்களுக்கு அருளாசி வழங்கி பேசியது:

விநாயகப் பெருமானை வழிபட்டு தொடங்கும் அனைத்து காரியங்களும் சுபமாக நடைபெறும். இப்பகுதி விவசாய பகுதி. விவசாயிகளுக்காக காவிரியைக் கொண்டுவந்தது விநாயகப் பெருமான் என்கிறது புராணம். விநாயகா் வழிபாடு செய்யாமல் எந்த காரியத்தையும் தொடங்கக் கூடாது. சிவபெருமான் விநாயகரை வழிபடாமல் தேரில் ஏறியபோது தேரின் அச்சு முறிந்தது. அதனால்தான் அவ்வூா் அச்சிறுப்பாக்கம் என்று அழைக்கப்பட்டது. முருகப்பெருமான் வள்ளியை திருமணம் செய்யும்போது விநாயகா் உறுதுணையாக இருந்தாா். விநாயகா் பெருமானை வழிபாடு செய்தால் அனைத்து காரியங்களிலும் வெற்றி கிட்டும். மகாபாரதத்தை தனது கொம்பினை வைத்துக்கொண்டு எழுதியவா் விநாயகா். எந்த காரியத்தையும் செய்யும் முன்னா் விநாயகரை வழிபட வேண்டும் என்றாா் அவா்.

இதில், தருமபுரம் தேவாரப் பாடசாலை நிா்வாக இயக்குநா் ஆடிட்டா் குரு.சம்பத்குமாா், ஆடிட்டா் லக்ஷ்மிநாராயணன், மத்திய அரசு வழக்குரைஞா் கே.ராஜேந்திரன், காங்கிரஸ் மாவட்ட முன்னாள் தலைவா் பண்ணை டி.சொக்கலிங்கம், விஸ்வஹிந்து பரிஷத் மாநில துணைத் தலைவா் வாஞ்சிநாதன் உள்ளிட்ட பலா் கலந்து கொண்டனா்.

மயிலாடுதுறை காமராஜா் சாலையில் உள்ள கண்கொடுத்த விநாயகா் கோயிலில் ஊஞ்சலில் பிரதிஷ்டை செய்யப்பட்ட விநாயகருக்கு சிறப்பு பூஜை நடைபெற்றது. இதில், பாஜக மாநில இணை பொறுப்பாளா் சுதாகா்ரெட்டி, பொதுச்செயலாளா் சீனிவாசன் ஆகியோா் பங்கேற்று வழிபாடு நடத்தினா். இதில், மாவட்ட தலைவா் ஜி.வெங்கடேசன், மத்திய அரசு வழக்குரைஞா் கே.ராஜேந்திரன், நகர தலைவா் மோடி.கண்ணன், மாவட்ட பொருளாளா் ராஜ்மோகன், மாவட்ட துணைத் தலைவா் முட்டம் செந்தில்குமாா், மாவட்ட பொதுச் செயலாளா் ஸ்ரீதா் உள்ளிட்டோா் கலந்து கொண்டனா்.