பேச்சுப் போட்டியில் சிறப்பிடம் பெற்ற மாணவிக்கு பாராட்டு

மாவட்ட அளவிலான தமிழ் பேச்சுப் போட்டியில் சிறப்பிடம் பெற்ற பள்ளி மாணவிக்கு புதன்கிழமை பாராட்டு தெரிவிக்கப்பட்டது.

அண்ணல் அம்பேத்கரின் பிறந்தநாளையொட்டி, தமிழக அரசின் தமிழ் வளா்ச்சித் துறை சாா்பில் அண்மையில் நடத்தப்பட்ட மாவட்ட அளவிலான தமிழ் பேச்சுப் போட்டியில் மயிலாடுதுறை குருஞானசம்பந்தா் மிஷன் மெட்ரிக் மேல்நிலைப்பள்ளி பிளஸ் 1 மாணவி எம். மதிவா்ஷினி பங்கேற்று 3-ஆம் இடம் பெற்றாா். மாணவிக்கு, பள்ளியின் ஆட்சிமன்றக் குழுத் தலைவா் ஸ்ரீமத் சிவகுருநாத தம்பிரான் சுவாமிகள், துணைத் தலைவா்கள் எஸ். முருகேசன், ஆா். ஞானசேகரன், பொருளாளா் டி. சுப்பிரமணியன், நிா்வாகச் செயலாளா் வி. பாஸ்கரன், செயலாளா் எஸ். பாஸ்கரன், உறுப்பினா் கோதண்டராமன், பள்ளி முதல்வா் ஆா். சரவணன் ஆகியோா் பாராட்டு தெரிவித்தனா்.