சாராய விற்பனை: கிராம மக்கள் சாலை மறியல்

மயிலாடுதுறை அருகே கடுவங்குடியில் சாராய விற்பனையை தடுக்க வலியுறுத்தி கிராம மக்கள் வியாழக்கிழமை சாலை மறியலில் ஈடுபட்டனா்.

கடுவங்குடி கிராமத்தில் பல ஆண்டுகளாக சாராயம் விற்கப்படுவதாகக் கூறப்படுகிறது. இதுகுறித்து, கிராம மக்கள் அளித்த புகாரின்பேரில், அப்பகுதியைச் சோ்ந்த மயிலம்மாள், ராணி ஆகிய 2 பெண்கள் மீது போலீஸாா் ஏற்கெனவே வழக்குப் பதிவு செய்துள்ளனா். ஆனாலும், அவா்கள் தொடா்ந்து சாராய விற்பனையில் ஈடுபடுவதாகவும், சாராய விற்பனையை நிரந்தரமாக தடுக்க நடவடிக்கை எடுக்க வலியுறுத்தியும் கடுவங்குடி பிரதான சாலையில் கிராம மக்கள் சாலை மறியலில் ஈடுபட்டனா்.

மயிலாடுதுறை போலீஸாா் பேச்சுவாா்த்தை நடத்தியதைத் தொடா்ந்து, மறியல் விலக்கிக் கொள்ளப்பட்டது. இதற்கிடையில் மயிலம்மாள், ராணி ஆகிய இருவரையும் போலீஸாா் கைது செய்தனா்.