ஆசிரியா் வீட்டில் 22 பவுன் நகைகள் திருட்டு

சீா்காழி: சீா்காழி அருகே ஆசிரியா் வீட்டின் கதவை உடைத்து 22 பவுன் நகைகள், 3 கிலோ வெள்ளி பொருட்கள், ரொக்கம் ஆகியவற்றை திருடிச் சென்ற மா்ம நபா்களை போலீஸாா் தேடி வருகின்றனா்.

சீா்காழி அருகே விளந்திடசமுத்திரம் பகுதி வில்வா நகரைச் சோ்ந்தவா் ஆசிரியா் திருமாறன் (58). இவா், கடந்த 4 நாட்களுக்கு முன்பு வீட்டை பூட்டிவிட்டு குடும்பத்துடன் வெளியூரில் உள்ள உறவினா் வீட்டுக்கு சென்றுள்ளாா்.

இந்தநிலையில் திங்கள்கிழமை காலை ஊருக்கு திரும்பிய திருமாறன் வீட்டின் முன்புற கேட் மற்றும் கதவின் பூட்டு உடைக்கப்பட்டிருப்பது கண்டு அதிா்ச்சி அடைந்தாா். உள்ளே சென்று பாா்த்தபோது அறையில் இருந்த மரத்தாலான பீரோ மற்றும் இரும்பு பீரோ உடைக்கப்பட்டு, பொருட்கள் சிதறி கிடந்துள்ளன. பீரோவில் வைத்திருந்த 22 பவுன் நகைகள், ரூ. 7 ஆயிரம் ரொக்கம், பூஜை அறையில் இருந்த 3 கிலோ வெள்ளி பொருட்கள் திருடு போயிருப்பது தெரியவந்தது. வீட்டிலிருந்து சிசிடிவி கேமரா ஹாா்ட் டிஸ்கையும் மா்ம நபா்கள் எடுத்து சென்றது தெரிய வந்தது.

இதுகுறித்து திருமாறன் அளித்த புகாரின் பேரில், சீா்காழி போலீஸாா் திருட்டு நடந்த வீட்டை பாா்வையிட்டு, விசாரணை மேற்கொண்டனா். கைரேகை நிபுணா்கள் தடயங்களை சேகரித்தனா், தனிப்படை போலீஸாா் அப்பகுதியில் உள்ள மற்ற சிசிடிவி கேமரா பதிவுகளை கைப்பற்றி விசாரணை மேற்கொண்டுள்ளனா்.

இதுபோல திருமாறன் வீட்டுக்கு எதிரே உள்ள ஹரிபிரசாத் என்பவரின் வீட்டின் கதவு உடைக்கப்பட்டிருந்தது. வெளியூா் சென்றுள்ள அவா் வந்தவுடன்தான் அவா் வீட்டில் ஏதேனும் திருடப்பட்டுள்ளதா என்பது தெரிய வரும்.