விஸ்வகா்மா ஜெயந்தி விழா

மயிலாடுதுறையில் மாவட்ட விஸ்வகா்மா நலச்சங்கம் சாா்பில் விஸ்வகா்மா ஜெயந்தி விழா செவ்வாய்க்கிழமை கொண்டாடப்பட்டது.

விஸ்வகா்மா தேவன் பிறந்த நாளாக கருதப்படும் செப்டம்பா் 17-ஆம் தேதி மத்திய அரசு விஸ்வகா்மா ஜெயந்தி விழா என 2023-ஆம் ஆண்டு அறிவித்தது. இதைத்தொடா்ந்து, நாடு முழுவதும் நகை உற்பத்தித் தொழில், தச்சுவேலை உள்ளிட்ட பணிகளில் ஈடுபடுபவா்கள் விஸ்வகா்மா ஜெயந்தியை கொண்டாடி வருகின்றனா்.

இந்நிலையில், மயிலாடுதுறையில் மாவட்ட விஸ்வகா்மா நலச் சங்கத்தின் சாா்பில் விஸ்வகா்மா ஜெயந்தி செவ்வாய்க்கிழமை கொண்டாடப்பட்டது.

இதையொட்டி, மாயூரநாதா் கோயில் தேரடி விநாயகா் கோயிலில் இருந்து அச்சங்கத்தினா் பேரணியாக சென்று மாயூரநாதா் கோயில் தெற்கு வீதியில் உள்ள தனியாா் திருமணக் கூடத்தில் ஜெயந்தி விழாக் கூட்டம் நடத்தினா். முன்னதாக, விஸ்வகா்மா சிலைக்கு மாலை அணிவித்து சிறப்பு வழிபாடு மேற்கொண்டனா்.

சங்க செயலாளா் கே. முத்துக்குமரன் ஏற்பாட்டில் நடைபெற்ற கூட்டத்துக்கு, அவைத் தலைவா் எஸ். வெங்கடாசலம் தலைமை வகித்தாா். ஒருங்கிணைப்பாளா் வினோத்குமாா் வரவேற்றாா். பொருளாளா் ஏ.நெடுஞ்செழியன் ஆண்டறிக்கை வாசித்தாா்.

வி.ராமன், ஜெயக்குமாா் ஆகியோா் சிறப்பு அழைப்பாளா்களாக பங்கேற்று கருத்துரை வழங்கினா்.

கூட்டத்தில், விஸ்வகா்மா சங்க மாநில துணைத் தலைவா் குன்னம் நாகராஜ், திருவாரூா் மடாதிபதி கிட்டப்பா, சரவணன், பூபதி, ராமதாஸ், செந்தில், சம்பந்தம், ஆனந்த் ஆகியோா் வாழ்த்துரை வழங்கினா்.