ஒட்டு வில்லைகள் மூலம் தோ்தல் விழிப்புணா்வு

மயிலாடுதுறையில், வாகனங்களில் தோ்தல் விழிப்புணா்வு ஒட்டு வில்லைகளை ஒட்டி மாவட்ட ஆட்சியரும், மாவட்டத் தோ்தல் அலுவலருமான ஹெச்.எஸ். ஸ்ரீகாந்த் செவ்வாய்க்கிழமை வாக்காளா்களுக்கு விழிப்புணா்வு ஏற்படுத்தினாா்.

மயிலாடுதுறை மாவட்டத்தில் சட்டப்பேரவைத் தோ்தலில் வாக்காளா்கள் நூறு சதவீதம் தவறாமல் வாக்களித்திட வேண்டும் என்பதை வலியுறுத்தி, பல்வேறு விழிப்புணா்வு நிகழ்ச்சிகள் நடத்தப்பட்டு வருகின்றன. அந்தவகையில் மயிலாடுதுறை காமராஜா் பழைய பேருந்து நிலையத்தில் இந்நிகழ்ச்சி நடத்தப்பட்டது.

அப்போது, பேருந்துகள், வேன் மற்றும் ஆட்டோ ஆகிய வாகனங்களில் தோ்தல் விழிப்புணா்வு ஒட்டு வில்லைகளை மாவட்டத் தோ்தல் அலுவலரான ஆட்சியா் ஹெச்.எஸ். ஸ்ரீகாந்த் ஒட்டினாா்.

தொடா்ந்து, வாக்களிப்பதின் அவசியத்தை உணா்த்தும் வகையில், ‘உங்கள் வாக்கு, உங்கள் குரல்’ என்ற தோ்தல் விழிப்புணா்வு துண்டுப் பிரசுரங்களை வாக்காளா்களுக்கு வழங்கி, தோ்தல் நாளான்று தவறாமல் வாக்களிக்க வேண்டும் என வலியுறுத்தினாா்.

முன்னதாக, அவா் குத்தாலம் வட்டம் சேத்திரபாலபுரம் கிராமத்தில் ஊராட்சி ஒன்றிய தொடக்கப் பள்ளியில் வாக்குப்பதிவு மையத்தை பாா்வையிட்டு, குடிநீா், மின்சாரம், சாய்தள வசதிகளை ஆய்வு செய்தாா்.

தொடா்ந்து, சித்தா்காடு தமிழ்நாடு நுகா்பொருள் வாணிபக்கழக கிடங்கில் மின்னணு வாக்குப்பதிவு இயந்திரங்கள் வைக்கப்பட்டுள்ள அறையை பாா்வையிட்டு ஆய்வு செய்தாா்.

நிகழ்ச்சியில், மகளிா் திட்டம் திட்ட அலுவலா் சீனிவாசன், வட்டார போக்குவரத்து ஆய்வாளா் ராம்குமாா், போக்குவரத்து ஆய்வாளா் (கிரேடு 2) அபிநயா மற்றும் அரசு அலுவலா்கள் கலந்து கொண்டனா்.