புதுவாழ்வுத் திட்டப் பணியாளர்கள் ஆர்ப்பாட்டம்

புதுவாழ்வுத்திட்டப் பணியாளர்களுக்கு நிபந்தனையின்றி பணி வாய்ப்பு வழங்கக் கோரி, புதுவாழ்வுத் திட்டப் பணியாளர்கள் நலச் சங்கம் சார்பில் நாகை அவுரித் திடலில் ஆர்ப்பாட்டம் புதன்கிழமை நடைபெற்றது.
உயர்நீதிமன்ற வழிகாட்டுதல்படி, 12 ஆண்டுகள் உழைத்த புதுவாழ்வுத் திட்ட அனைத்துப் பணியாளர்களுக்கும் பணி வாய்ப்பு வழங்க வலியுறுத்தி, இந்தப் போராட்டம் நடைபெற்றது.
சங்கத்தின் மாவட்டத் தலைவர் மகேந்திரன் தலைமை வகித்தார். மாவட்டச் செயலாளர் ஆர். செந்தில்குமார், மாவட்டப் பொருளாளர் தங்கமணி, ஆலோசகர்கள் பால. மனுநீதிச்சோழன், நமச்சிவாயம் ஆகியோர் கோரிக்கைகளை வலியுறுத்திப் பேசினர்.
சங்கத்தின் நிர்வாகிகள், உறுப்பினர்கள் பங்கேற்று கோரிக்கையை வலியுறுத்தி முழக்கங்களை எழுப்பினர்.