வேதாரண்யத்தில் பெண்கள் கண்டன ஆர்ப்பாட்டம்

காவிரி விவகாரத்தில், மத்திய அரசைக் கண்டித்து வேதாரண்யம் வட்டாட்சியர் அலுவலகம் எதிரே பெண்கள் புதன்கிழமை கண்டன ஆர்ப்பாட்டத்தில் ஈடுபட்டனர். 
இந்த ஆர்ப்பாட்டத்துக்கு முத்துலெட்சுமி மீனாட்சிசுந்தரம் தலைமை வகித்தார். வெற்றிச்செல்வி காமராஜ், உமா புகழேந்தி, ஜெயலெட்சுமி குமரவேல், மாசி. சித்ரா, மோகனா தசமணி, பானுமதி ராஜன், கவிதா அன்பரசு ஆகியோர் முன்னிலை வகித்தனர். காவிரி நீர் விவசாயிகளின் வாழ்வாதாரமாக மட்டுமல்லாமல், கொள்ளிடம்- வேதாரண்யம் கூட்டுக் குடிநீரின் ஆதாரமாக இருப்பதை விளக்கிய அவர்கள், காவிரி மேலாண்மை வாரியத்தை உடனே அமைக்க வேண்டுமென முழக்கமிட்டனர்.