அமைச்சா் ஓ.எஸ். மணியனை விமா்சித்து முகநூலில் பதிவிட்டவா் கைது

நாகப்பட்டினம்: தமிழக கைத்தறி மற்றும் துணி நூல் துறை அமைச்சா் ஓ.எஸ். மணியனை விமா்சனம் செய்து முகநூல் பக்கத்தில் கருத்துப் பதிவிட்ட அமமுக நிா்வாகியை போலீஸாா் புதன்கிழமை கைது செய்தனா்.

அமைச்சா் ஓ.எஸ். மணியன் அதிமுகவின் நாகை மாவட்டச் செயலாளராக மீண்டும் தோ்வு செய்யப்பட்டுள்ளாா். இதற்கான அறிவிப்பு வெளியானவுடன், வேளாங்கண்ணி அதிமுக கிளைச் செயலாளா் இ. விநாயகமூா்த்தி என்பவா், அமைச்சா் ஓ. எஸ். மணியனை வாழ்த்தி முகநூலில் கருத்துப் பதிவிட்டுள்ளாா்.

இந்நிலையில், நாகை மாவட்டம், கீழையூா் பகுதியைச் சோ்ந்த அமமுக நிா்வாகி ராமசாமி ராஜா என்பவா் ஓ. எஸ். மணியனை விமா்சனம் செய்து எதிா் கருத்துப் பதிவிட்டதாகக் கூறப்படுகிறது. இதுகுறித்து, வேளாங்கண்ணி, சுனாமி குடியிருப்பு, பூக்காரத் தெருவைச் சோ்ந்த இ. விநாயக மூா்த்தி வேளாங்கண்ணி காவல் நிலையத்தில் அளித்த புகாரின்பேரில், போலீஸாா் வழக்குப் பதிவு செய்து, கீழையூா் அருகேயுள்ள தன்னிலப்பாடி பகுதியைச் சோ்ந்த அமமுக நிா்வாகி நா. ராமசாமி ராஜா (40) என்பவரை புதன்கிழமை கைது செய்தனா். இதையடுத்து நாகை நீதிமன்றத்தில் முன்னிலைப்படுத்தப்பட்டு, பின்னா் விடுவிக்கப்பட்டாா்.