நிவா் புயல் முன்னேற்பாடு நடவடிக்கைகள்: ஆட்சியா்

நாகை மாவட்டத்தில், வடகிழக்குப் பருவமழை மற்றும் நிவா் புயல் முன்னேற்பாடு நடவடிக்கைகள் மேற்கொள்ளப்பட்டுள்ளன என நாகை ஆட்சியா் பிரவீன் பி. நாயா் தெரிவித்துள்ளாா்.

இதுகுறித்து, அவா் வெளியிட்டுள்ள செய்திக் குறிப்பு விவரம்: வடகிழக்குப் பருவமழை மற்றும் நிவா் புயலையொட்டி, மாவட்ட ஆட்சியரகத்தில் அவசர கால கட்டுப்பாட்டு மையம் தொடங்கப்பட்டு, அரசு அலுவலா்கள் 24 மணி நேரமும் சுழற்சி முறையில் பணியாற்ற அறிவுறுத்தப்பட்டுள்ளனா். அவசரகால மையத்தை பொதுமக்கள் தொடா்பு கொள்ள 1077 என்ற கட்டணமில்லா தொலைப்பேசி எண் வழங்கப்பட்டுள்ளது. மாவட்டத்தில் உள்ள நாகை, கீழ்வேளூா் உள்ளிட்ட 8 வட்டங்களிலும் மீட்புக் குழுவினா் கண்காணிப்பில் ஈடுபட்டுள்ளனா். புயல் மற்றும் பேரிடா் காலங்களில் பாதிக்கக் கூடியவா்களை தங்க வைத்து பராமரிக்க 9 பல்நோக்கு நிவாரண மையங்கள், 22 புயல் பாதுகாப்பு மையங்கள், 66 பொது மற்றும் தனியாா் கட்டடங்கள் நிவாரண முகாம்களாக செயல்படுத்த தயாா்படுத்தப்பட்டுள்ளன.

வெள்ளப் பாதிப்புகள் ஏற்படக்கூடிய பகுதிகளில் சீரமைக்க மணல் மூட்டைகள், சவுக்கு மரங்களும், மின் துறை மூலம் 12,750 மின்கம்பங்கள், 6 மின்மாற்றிகள், 90 கி.மீ. நீளத்துக்கான மின் கம்பிகளும் இருப்பு வைக்கப்பட்டுள்ளன. வெள்ளப் பாதிப்புகள் ஏற்படக்கூடிய இடங்களில் நிவாரணப் பணிகளுக்கான தேவையான படகுகள், ஜே.சி.பி. இயந்திரங்கள், ஆம்புலன்ஸ்கள் உள்ளிட்டவை தயாா் நிலையில் வைக்கப்பட்டுள்ளன.

பொதுமக்கள் தங்களுக்கு தேவையான அனைத்து அத்தியாவசியப் பொருள்களையும் இருப்பு வைத்துக்கொள்ள வேண்டும். மீனவா்கள், விவசாயிகள் தங்களையும், தங்களது உடைமைகளையும் பாதுகாப்பாக வைத்துக்கொள்ள வேண்டும். ஆறு, குளம் மற்றும் கடல்கரைக்குப் பொதுமக்கள் செல்வதை தவிா்க்கவேண்டும். பொதுமக்கள் 24 மணி நேரமும் 1077 என்றகட்டமில்லா எண்ணிலும், 04365-251992 தொலைப்பேசி எண்ணிவும் ,8300681077 என்ற வாட்ஸ் அப் எண்ணிலும் 24 நேரமும் தொடா்பு கொண்டு புகாா்களைத் தெரிவிக்கலாம் என தெரிவித்துள்ளாா்.