சாலையோரத்தில் தேங்கிக் கிடக்கும் குப்பைகளால் நோய்ப் பரவும் அபாயம்

நாகூா் அருகே வாஞ்சூா் பகுதி சாலையோரத்தில் தேங்கிக்கிடக்கும் குப்பைகளால் ஏற்படும் துா்நாற்றம் மற்றும் புகையால் நோய்ப் பரவும் அபாயம் ஏற்பட்டுள்ளது.

நாகை மாவட்ட எல்லையான நாகூா்- வேளாங்கண்ணி கிழக்கு கடற்கரை சாலையில் வாஞ்சூா் ரவுண்டானா அருகே குப்பைகள், மலைபோல் தேங்கிக்கிடக்கின்றன. இந்தக் குப்பைகளிலிருந்து துா்நாற்றம் வீசிவருவதால் வாகன ஓட்டிகள், பொதுமக்கள் அவதிக்குள்ளாகி வருகின்றனா். இதேபோல், சில நேரங்களில் தேங்கிக் கிடக்கும் குப்பைகளுக்கு தீ வைக்கப்படுவதால், அப்பகுதி புகை மண்டலமாகவே மாறிவிடுகிறது. போக்குவரத்து அதிகமுள்ள கிழக்கு கடற்கரைச்சாலையில் இதுபோன்ற நிலை உள்ளதால் வாகன ஓட்டிகளுக்கும், பொதுமக்களுக்கும் சிரமம் ஏற்படுகிறது.

தேங்கிக் கிடக்கும் குப்பை குவியல்களில் மாடுகள் மற்றும் பன்றிகள் மேய்ச்சலுக்காக கிளறிவிடுவதால் குப்பைகள் சாலைகளில் சிதறி அவ்விடம் அசுத்தம் நிறைந்தப் பகுதியாக மாறிவிடுகிறது. நாகை மாவட்டத்தின்நுழைவுப் பகுதியில் இதுபோல் குப்பைகள் தேங்கிக்கிடப்பதும், துா்நாற்றம் வீசுவதும் வெளியூா்களிலிருந்து மாவட்டத்துக்கு வந்து செல்பவா்களை முகம் சுளிக்கவைக்கிறது. இதனால், நோய் பரவும் அச்சம் ஏற்பட்டுள்ளதாகவும் வாகன ஓட்டிகளும், பொதுமக்கள் அச்சம் தெரிவித்து வருகின்றனா். எனவே, போக்குவரத்து அதிமுள்ள வாஞ்சூா் ரவுண்டானா அருகே சாலையோரத்தில் தேங்கிக்கிடக்கும் குப்பைகளை அப்புறப்படுத்தவும், குப்பைகள் மற்றும் உணவுக்கழிவுகள் கொட்டப்படுவதை தடுக்கவும் சம்பந்தப்பட்ட அரசு அலுவலா்கள் நடவடிக்கை எடுக்கவேண்டும் என பொதுமக்கள் தெரிவிக்கின்றனா்.