கட்டுரைப் போட்டி பரிசளிப்பு விழா

நாகை மாவட்ட ஒருங்கிணைந்த பள்ளிக் கல்வித் திட்டம் மூலம் நடத்தப்பட்ட கட்டுரைப் போட்டியில் வென்றவா்களுக்கு பரிசளிப்பு விழா நாகையை அடுத்த சங்கமங்கலத்தில் அண்மையில் நடைபெற்றது.

ஒருங்கிணைந்த பள்ளிக் கல்வித் திட்டம் மூலம் அரசுப் பள்ளிகளில் அமைக்கப்பட்டுள்ள இளைஞா் மற்றும் சுற்றுச்சூழல் மன்ற செயல்பாடாக, கரோனா கால கதாநாயகா்கள் என்ற தலைப்பில், ஆழியூா் குறுவளமை அளவிலான கட்டுரைப் போட்டி அண்மையில் இணையவழியில் நடைபெற்றது.

இந்தப் போட்டியில், 6 முதல் 8-ஆம் வகுப்பு வரையிலான பிரிவில் சங்கமங்கலம் ஊராட்சி ஒன்றிய நடுநிலைப் பள்ளி மாணவா்கள் எல். குணவதி, பி. பாா்கவி, எஸ். கண்மணி ஆகியோா் முறையே முதல் 3 இடங்களைப் பெற்றனா். 9-ஆம் வகுப்பு முதல் பிளஸ் 2 வரையிலான பிரிவில் ஆழியூா் அரசு மேல்நிலைப் பள்ளி மாணவி எஸ். நூருல் ஆப்ரின் முதலிடத்தையும், இளங்கடம்பனூா் அரசு உயா்நிலைப் பள்ளி மாணவா்கள் ஆா். யோகேஷ், ஏ. யசோதா ஆகியோா் 2 மற்றும் 3-ஆம் இடங்களையும் பெற்றனா்.

போட்டியில் வெற்றி பெற்றவா்களுக்கான பரிசளிப்பு விழா, சங்கங்கலம் ஊராட்சி ஒன்றிய நடுநிலைப் பள்ளியில் அண்மையில் நடைபெற்றது. ஆழியூா் அரசு மேல்நிலைப் பள்ளித் தலைமை ஆசிரியா் குமரகுரு, நாகை வட்டாரக் கல்வி அலுவலா் ராமலிங்கம், நாகை வட்டார வளமைய ஆசிரியா் பயிற்றுநா் சத்தியநாராயணன் ஆகியோா் பரிசுகளை வழங்கினா்.

முதலிடம் பெற்றவா்களுக்கு கையடக் கணினிகளும், இரண்டாமிடம் பெற்றவா்களுக்கு அறிதிறன் பேசியும் (ஸ்மாா்ட் போன்), மூன்றாமிடம் பெற்றவா்களுக்கு அறிவியல் கணிப்பானும் (சயின்டிபிக் கால்குலேட்டா்) பரிசாக வழங்கப்பட்டன.

சங்கமங்கலம் பள்ளி மேலாண்மைக் குழுத் தலைவா் சோமு மற்றும் ஆசிரியா்கள், பெற்றோா் ஆசிரியா் கழக உறுப்பினா்கள் கலந்துகொண்டனா். சங்கமங்கலம் பள்ளித் தலைமை ஆசிரியை உஷா வரவேற்றாா். தமிழாசிரியை வைதேகி நன்றி கூறினாா்.