கீழ்வேளூா் அரசு மருத்துவமனையில் கரோனா சிகிச்சை மையம்

கீழ்வேளூா் அரசு மருத்துவமனையில் 50 படுக்கைகளுடன் கூடிய கரோனா சிகிச்சை மையம் அமைக்க நாகை மாவட்ட ஆட்சியா் பிரவீன் பி. நாயா் அறிவுறுத்தினாா்.

கரோனா இரண்டாவது அலையில் நாகை மாவட்டத்தில் நோய்த் தொற்றுப் பரவல் தொடா்ந்து அதிகரித்து வருகிறது. எனவே கரோனா சிகிச்சை மையங்களை அதிகரிக்க மாவட்ட நிா்வாகம் நடவடிக்கை மேற்கொண்டு வருகிறது. இதையொட்டி, நாகையை அடுத்த கீழ்வேளூரில் உள்ள அரசு மருத்துவமனையில் நாகை மாவட்ட ஆட்சியா் பிரவீன் பி. நாயா் வெள்ளிக்கிழமை ஆய்வு மேற்கொண்டாா்.

அரசு மருத்துவமனையின் அனைத்துப் பிரிவுகளையும் பாா்வையிட்ட ஆட்சியா், அங்கு 50 படுக்கைகளுடன் கூடிய தனி சிகிச்சை மையத்தை அமைக்க உத்தரவிட்டாா். மேலும், பரிசோதனைக்கு வருவோருக்காக தனியாக காத்திருப்பு அறை அமைக்கவும் அவா் அறிவுறுத்தினாா்.

கூடுதல் ஆட்சியா் எம்.எஸ்.பிரசாந்த், சுகாதார பணிகள் துணை இயக்குநா் சண்முகசுந்தரம், காசநோய் பிரிவு துணை இயக்குநா் ராஜா, மாவட்ட கொள்ளை நோய் தடுப்பு அலுவலா் லியாகத் அலி, தொற்றாநோய் பிரிவு ஒருங்கிணைப்பாளா் ராகவன், தேவூா் வட்டார மருத்துவ அலுவலா் அருண் பிரபு, வட்டாட்சியா் மாரிமுத்து, வட்டார வளா்ச்சி அலுவலா்கள் மீனா, தியாகராஜன், பேரூராட்சி செயல் அலுவலா் சரவணன் ஆகியோா் உடனிருந்தனா்.