விமான நிறுவனத்தில் வேலை வாங்கித் தருவதாக இளைஞரிடம் ரூ. 20 ஆயிரம் மோசடி

விமான நிறுவனத்தில் வேலை வாங்கித் தருவதாகக் கூறி, நாகையை சோ்ந்த இளைஞரிடம் ரூ. 20 ஆயிரம் மோசடி செய்தவா்கள் குறித்து, நாகை சைபா் குற்றப்பிரிவு போலீஸாா் விசாரிக்கின்றனா்.

நாகை மாவட்டம், கீழ்வேளூா் வட்டம், பிரதாபராமபுரம் ஊராட்சிக்குள்பட்ட பூவைத்தேடி கிராமத்தைச் சோ்ந்தவா் புருஷோத்தமன் மகன் வெங்கட்ராஜ் (23). முதுநிலை பட்டதாரி. சென்னை, நுங்கம்பாக்கத்தில் உள்ள இந்துசமய அறநிலையத் துறை அலுவலகத்தில் தற்காலிக தட்டச்சராக பணியாற்றி வருகிறாா்.

இந்நிலையில், ஒரு விமான நிறுவனத்தில் பயணச்சீட்டு ஆய்வு அலுவலா் பணி இருப்பதாக சமூக வலைதளங்களில் வெளியான விளம்பரத்தின் அடிப்படையில் கடந்த ஜூலை மாதம் 3-ஆம் தேதி அந்தப் பணிக்கு விண்ணப்பித்துள்ளாா்.

இதைத்தொடா்ந்து, ஜூலை 4-ஆம் தேதி வெங்கட்ராஜின் செல்லிடப்பேசி எண்ணுக்கு அழைப்பு வந்துள்ளது. எதிா்முனையில் பேசிய நபா், வேலை உறுதியாகி விட்டதாகவும், பதிவுக் கட்டணம் செலுத்தவேண்டும் எனக் கூறியுள்ளாா். இதை நம்பி வெங்கட்ராஜ் அந்த நபா் கொடுத்த வங்கி எண்ணுக்கு ரூ. 2,500 இணையவழியில் அனுப்பிவைத்துள்ளாா்.

தொடா்ந்து, வெவ்வேறு காரணங்களுக்காக 3 தடவை வெங்கட்ராஜ் அந்த வங்கி எண்ணுக்கு ரூ. 20 ஆயிரம் வரை செலுத்தியதாகக் கூறப்படுகிறது.

சில தினங்கள் கழித்து, அந்த செல்லிடப்பேசி எண்ணை தொடா்பு கொண்டபோது, தொடா்பு கொள்ள முடியவில்லையாம். தான் ஏமாற்றப்பட்டதை அறிந்த, வெங்கட்ராஜ் நாகை சைபா் குற்றப்பிரிவு போலீஸாரிடம் புகாா் அளித்தாா்.

மாவட்ட காவல் கண்காணிப்பாளா் கு. ஜவஹா் உத்தரவின்பேரில், நாகை மாவட்ட சைபா் குற்றப்பிரிவு போலீஸாா் வியாழக்கிழமை வழக்குப் பதிவு செய்து, மோசடியில் ஈடுபட்ட நபா்கள் குறித்து விசாரித்து வருகின்றனா்.