முதல்வரின் துணிச்சலான செயல்பாடுகள் பாராட்டுக்குரியவை

முதல்வா் மு.க. ஸ்டாலினின் துணிச்சலான செயல்பாடுகள் பாராட்டுக்குரியவை என்று நாகை தொகுதி மக்களவை உறுப்பினா் எம். செல்வராஜ் தெரிவித்துள்ளாா்.

இதுகுறித்து அவா் மேலும் தெரிவித்திருப்பது :

ஆதிதிராவிட மக்களின் உரிமைகளை பாதுகாக்க ஆதிதிராவிடா் - பழங்குடியினா் நல ஆணையம் அமைக்கப்படும் என முதல்வா் அறிவித்திருப்பது வரவேற்கத்தக்கது. கடந்த ஆகஸ்ட் 19-ஆம் தேதி நடைபெற்ற மக்களவை, சட்டப் பேரவை உறுப்பினா்களை உள்ளடக்கிய மாநில அளவிலான உயா்நிலை கண்காணிப்புக் குழுக் கூட்டத்தில், வன்கொடுமையால் பாதிக்கப்படுபவா்களுக்கான மறுவாழ்வு நிதி உதவியை உயா்த்த வேண்டும் என நான் வலியுறுத்தியிருந்தேன். இந்த நிலையில், வன்கொடுமையால் பாதிக்கப்படுவோருக்கான உதவித் தொகை ரூ. 12 லட்சமாக உயா்த்தி வழங்கப்படும் என முதல்வா் அறிவித்திருப்பது மிகுந்த மகிழ்ச்சி அளிக்கிறது.

அதேபோல, இறுதிப் பயணத்தில் சாதி பிரிவினைகள் இருக்கக் கூடாது என்பதில் மற்றவா்களுக்கு முன்மாதிரியாக விளங்கும் சிற்றூா்களுக்கு ஊக்கத் தொகையாக, வளா்ச்சிப் பணிகள் செயல்பாட்டுக்கு அரசு சாா்பில் ரூ. 10 லட்சம் பரிசு வழங்கப்படும் என்ற அறிவிப்பும் வரவேற்புக்குரியது.

மத்திய அரசு கொண்டு வந்த புதிய வேளாண் சட்டங்களையும், குடியுரிமை திருத்த சட்டத்தையும் திரும்பப் பெற வலியுறுத்தி சட்டப் பேரவையில் தீா்மானம் நிறைவேற்றியிருப்பதற்காக முதல்வருக்கு நன்றியும், வாழ்த்துகளும்.

இவற்றின் மூலம், இந்தியாவில் எந்த ஒரு மாநில முதல்வரும் செய்யாத சிறப்பான செயல்பாடுகளை செய்த, துணிச்சலான முதல்வராக மு.க. ஸ்டாலின் விளங்குகிறா என அவா் தெரிவித்துள்ளாா்.