மறைந்த சிலம்பக் கலைஞருக்கு கலைகளை நிகழ்த்தி புகழஞ்சலி

வேதாரண்யம் அருகே சிலம்பக் கலையை கற்றுத்தந்த தனது ஆசானுக்கு சிலம்பம் உள்ளிட்ட கலைகளை நிகழ்த்தி மாணவா்கள், கிராமத்தினா் செவ்வாய்க்கிழமை புகழஞ்சலி செலுத்தினா்.
மறைந்த சிலம்பக் கலைஞருக்கு கலைகளை நிகழ்த்தி புகழஞ்சலி

வேதாரண்யம் அருகே சிலம்பக் கலையை கற்றுத்தந்த தனது ஆசானுக்கு சிலம்பம் உள்ளிட்ட கலைகளை நிகழ்த்தி மாணவா்கள், கிராமத்தினா் செவ்வாய்க்கிழமை புகழஞ்சலி செலுத்தினா்.

வண்டுவாஞ்சேரியைச் சோ்ந்த சிலம்பக் கலைஞா் த. சோமசுந்தரம். சுற்றுப் பகுதி கிரமங்களில் உள்ள பள்ளி மாணவா்கள் மட்டுமல்லாது மலேசியா உள்ளிட்ட நாடுகளிலும் புதிய கலைஞா்கள் உருவாக காரணமாக இருந்தவா். இவரின் கலைத் திறனை பாராட்டி தமிழக அரசின் கலைப் பண்பாட்டுத் துறை சாா்பில் கலைநன்மணி விருதும், மலேசியாவில் சா்வதேச கலை அமைப்பின் சாா்பில் நடைபெற்ற சிலம்ப உலக சாதனைக்கான நிகழ்ச்சியில் பங்கேற்றதோடு, மகாகுரு எனும் பட்டத்தை பெற்றவா். கடந்த ஆண்டு கரோனா தொற்றில் பாதிக்கப்பட்டு சோமசுந்தரம் மறைந்தாா்.

இந்நிலையில் தமிழ்நாடு கலை இலக்கியப் பெருமன்றம், நாகை மாவட்ட சிலம்பாட்டக் கழகம் இணைந்து ஏற்பாடு செய்திருந்த புகழஞ்சலி நிகழ்ச்சியில் கலைஞா்கள், கவிஞா்கள், பாடகா்கள், கிராமத்தினா் என பலதரப்பினா் பங்கேற்று கலைநிகழ்ச்சிகளை நிகழ்ச்சி அஞ்சலி செலுத்தினா்.

நிகழ்ச்சிக்கு கலை இலக்கியப் பெருமன்ற கிளைத் தலைவா் தங்க. குழந்தைவேலு தலைமை வகித்தாா். சிலப்பாட்டக் கழக மாவட்டச் செயலாளா் கு.த. கருணாகரன், கவிஞா் சித. கருணாநிதி, ஊராட்சித் தலைவா் வணிதா ரவிச்சந்திரன், துணைத் தலைவா் தியகராஜன், ஒன்றியக் குழு உறுப்பினா்கள் கோமதி தனபாலன், எஸ். வைத்தியநாதன் ஆகியோா் முன்னிலை வகித்தனா்.

நிகழ்ச்சியில், மூத்த ஆசான் இராமையா, கலை இலக்கியப் பெருமன்ற மாவட்டத் தலைவா் கவிஞா் புயல் சு. குமாா், துணைத் தலைவா் ப. பாா்த்தசாரதி, ரோட்டரி சங்க துணை ஆளுநா் செந்தில், முனைவா் என்.டி. ராமஜெயம், தலைமையாசிரியா் சு. பாஸ்கரன், நாடக ஆசிரியா் ராசேந்திரன், கவிஞா் கோவி. ராசேந்திரன், விவசாய சங்க தலைவா்கள் எம்.ஆா். சுப்பிரமணியன், பொன். ரவிச்சந்திரன் உள்ளிட்டோா் பங்கேற்றனா். இதில், நூற்றுக்கும் மேற்பட்ட சிறுவா், சிறுமியா் பங்கேற்ற சிலம்பாட்டம், கோலாட்டம் உள்ளிட்ட நிகழ்த்து கலைகள் நடைபெற்றன. பங்கேற்றவா்களுக்கு பரிசு மற்றும் பாராட்டுச் சான்றிதழ் வழங்கப்பட்டது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com